İspaniyada məhbus öz xahişi ilə öldürüldü
İspaniya həbsxana rəsmiləri məhbuslardan birinə evtanaziya tətbiq ediblər.
Məhbus ötən il dekabrda dörd nəfəri güllələyərək yaralayıb və polislə atışmada özü də ağır xəsarət alıb.
Keçmiş mühafizəçi olan 46 yaşlı Eugen Sabau Tarraqona şəhərində mühafizə firmasında işləyib. O, bir qadın da daxil olmaqla üç həmkarını güllələyib. Daha sonra qaçarkən bir polis əməkdaşını da yaralayıb.
O, iflic olub və ölümünə icazə verilməsi üçün yalvarıb.
Məhkəmələr onun bu xahişinin yerinə yetirilməsinə icazə verib.
İspaniya bir ildən çoxdur ki, evtanaziyanı qanuniləşdirib. Bundan əvvəl kiməsə bu məsələdə kömək etmək 10 ilə qədər həbslə cəzalandırılırdı.
