Müasir Müsavat Partiyasının (MMP) sədri Hafiz Hacıyev Yenisabah.az-a açıqlamasında deyib ki, bu şəxslər “xəstələnmək”lə ən asan yolu seçirlər:

“Bu məsələ belədir. Bunlar yesinlər, dağıtsınlar, dövlətin pulunu talan etsinlər, sonra da ən asan yolu seçib “xəstələnsinlər”. Xəstə olmasalar da, özlərinə bülleten açdırıb, oğurladıqları milyardlardan 5-10 min verib özlərinə xəstəlik yazdırırlar və bununla da canlarını qurtarmaq istəyirlər.

Düşünürəm ki, bu, düzgün yanaşma deyil, onların hər birinin vicdanı olmalıdır ki, dövləti, eləcə də xalqın malını bu qədər talan etmək, rüşvətxorluq etmək olmaz.

Cənab Prezident hər zaman deyib ki, şəffaf işləyin, korrupsiyaya qurşanmayın. Onlar da qurşanırlar, tutulandan sonra da başlayırlar timsah gözyaşları tökməyə”.

Z. Qaralovun səhhətindən söz açan MMP sədri deyib:

“O ki qaldı Zakir Qaralova, o, içki düşkünüdür və bundan əziyyət çəkir, bununla əlaqədar da müalicə alır. Bizdə bu barədə məlumatlar, o cümlədən onun həkimləri ilə əlaqə saxlayan qruplar var. Zakir Qaralov içkidən əl çəkə bilmir”.

“Həmçinin, digərləri də eyni şeyi edirlər. Baxmayın da, o kreslonun ləzzəti axı bunlar üçün ayrı şeydir. Onu da unutmaq üçün bəzən baxırsan, nəşəyə qurşanırlar, narkotik qəbul edirlər və s. Hər halda bunları bağışlamaq olmaz. Çünki bu qədər xalqa zülm edib, xalqın pulunu talan edən, dövlət başçısının tapşırıqlarını yerinə yetirməyən adamların yeri həbsxanadır”, – əlavə edib.

Sonda S. Mehdiyevdən də söz açan H.Hacıyev bu mövzuda tək cümlə ilə kifayətlənib:

“Səfər Mehdiyev də Qaralovun yolu ilə gedir. yyeib-içir, amma özünü xəstəliyə vurur. Bunların hamısı bir bezin qırağıdır. Dəyişən heç nə yoxdur”.

Rafi MÜSLÜMOV 

Tacxeber.az