Müharibədə DÖNÜŞ NÖQTƏSİ: Xarkov işğaldan AZAD EDİLDİ
Müharibədə DÖNÜŞ NÖQTƏSİ: Xarkov işğaldan AZAD EDİLDİ
Ukrayna qoşunları sürətli əks-hücumla demək olar ki, bütün Xarkov vilayətini geri alaraq Rusiyanı böyük məğlubiyyətə uğratdı. Bu uğur Qərbin silah sistemlərindən maksimum istifadəni əhatə edən kampaniyanın nəticəsi idi.
Tacxeber.az xəbər verir ki, bu barədə ABŞ-ın Müharibənin Öyrənilməsi İnstitutunun dəyərləndirməsində qeyd edilib.
“Ukrayna rəhbərliyi cənubdakı zərbələri müzakirə edərək Xarkov bölgəsində gerçəkləşdirdiyi hərbi taktikası ilə rusları çaşdırdı. Ukrayna müharibənin gedişatını öz xeyrinə çevirdi. Kiyev böyük hərbi əməliyyatın yerini və xarakterini getdikcə daha çox diktə edəcək və Rusiya Ukraynanın artan fiziki və psixoloji təzyiqinə qeyri-adekvat cavab verəcək”, – məlumatda bildirilib.
Hərbi ekspertlər Xarkovun tam azad edilməsi faktını müharibənin gedişində ukraynalıların xeyrinə dönüş nöqtəsi kimi dəyərləndiriblər.
