“Rəsmi nikahda olmayan şəhid xanımlarına da şəhid ailəsi statusu verilsin” – TƏKLİF

“Bəzi şəhidlərimiz var, evləniblər, ailə qurublar, amma rəsmi nikahda olmayıblar. Qeyri-rəsmi nikahda olan şəhidlərin həyat yoldaşı da şəhid ailəsi kimi tanınmalıdır”. 

Tacxeber.az xəbər verir ki, bunu Milli Məclisin bu gün keçirilən iclasında deputat Qənirə Paşayeva deyib.

“Mənə belə bir şəhid xanımı müraciət etmişdi. Övladına şəhid övladı statusu tanınır, amma xanıma bu status verilmir. O körpə övladı ilə sabah ev növbəsinə durmalıdır, ona görə status vacib hal alacaq. Şəhid xanımı dedi ki, o tək deyil. Bir neçə şəhid ailəsi haqqında belə problem mövcuddur. Mən xahiş edirəm, buna baxılmasına çalışaq” – Q.Paşayeva qeyd edib.

Tacxeber.az