• 18 May 2024 20:02

İran rəsmisindən Zəngəzur dəhlizi ilə bağlı açıqlama – “İstənilən vəziyyətə hazır olmalıyıq”

İran rəsmisindən Zəngəzur dəhlizi ilə bağlı açıqlama - “İstənilən vəziyyətə hazır olmalıyıq”

İran rəsmisindən Zəngəzur dəhlizi ilə bağlı açıqlama – “İstənilən vəziyyətə hazır olmalıyıq”


“Azərbaycan Naxçıvana Ermənistanın nəzarətindən kənar dəhliz əldə etməyə çalışır”.

Tacxeber.az  ILNA-ya istinadla xəbər verir ki, bunu İranın Tranzit və Avtomobil Nəqliyyatı Təşkilatının baş direktoru Cavad Hedayati deyib.

İran rəsmisinin sözlərinə görə, hazırkı vəziyyət çətin ki, davam etsin, ona görə də İran istənilən vəziyyətə hazır olmalıdır.

“Görünür, Azərbaycan Naxçıvana Ermənistanın nəzarətindən kənarda heç bir maneəsiz və uzunmüddətli zəmanətlə dəhlizə sahib olmağa, habelə müttəfiqlərinin koordinasiyası ilə Xəzər dənizindən birbaşa Türkiyəyə enerji tranzit dəhlizi yaratmağa çalışır. Nəzərə almalıyıq ki, verilən vəziyyətin saxlanılması və davam etməsi ehtimalı azdır. Buna görə də istənilən vəziyyətə hazır olmalıyıq”, – deyə Hedayati bildirib.

Xatırladaq ki, İran İslam Respublikası son iki ildə dəfələrlə Azərbaycan və Türkiyə tərəfindən Ermənistan ərazisindən keçirilməsi planlaşdırılan Zəngəzur dəhlizinin açılmasının əleyhinə olduğunu bəyan edib. İran tərəfi Ermənistan-İran sərhədində baş verə biləcək dəyişiklikləri qəbuledilməz sayaraq, bunu “qırmızı xətti” olaraq adlandırıb.

Tacxeber.az

Oxşar xəbərlər