• 21 May 2024 23:40

Moskvada səfərbərlik başa çatdı

Moskvada səfərbərlik başa çatdı

Moskvada qismən səfərbərlik çərçivəsində hərbi xidmətə çağırış başa çatıb.

Tacxeber.az xəbər verir ki, bunu Moskva şəhər meri Sergey Sobyanin bildirib.

O qeyd edib ki, səfərbərlik məntəqələri 17 oktyabr 2022-ci il saat 14:00-da bağlanır.

“Səfərbərlik zamanı yaşayış yerlərinə və müəssisələrə göndərilmiş çağırış vərəqələri qüvvəsini itirir”, – mer yazıb.

Rusiyada qismən səfərbərlik ölkə prezidenti Vladimir Putinin fərmanı ilə sentyabrın 21-dən elan edilib.

Müdafiə naziri Sergey Şoyqu bildirib ki, Rusiya üzrə 300 min nəfərin hərbi xidmətə göndərilməsi planlaşdırılır. Moskva və Moskva vilayətində çağırışçıların sayı məlum deyil.

Rusiya Prezidenti Vladimir Putin ötən həftə səfərbərliyin iki həftə ərzində tamamlanacağını bildirib.

Tacxeber.az

Oxşar xəbərlər