Ermənistan “Zəngəzur dəhlizi”ni niyə vermək istəmir – DETALLAR

“Zəngəzur dəhlizi” adlanan layihənin benefisiarları Azərbaycan, Türkiyə və Rusiyadır.

Artıq bu barədə Ermənistanın siyasi kluarlarında danışılır.

Tacxeber.az xəbər verir ki, Baş nazir Nikol Paşinyanın ailəsinə məxsus “Haykakan Jamanak” qəzeti də həmin mövzu ilə bağlı analitik material hazırlayıb. Yazıda qeyd olunur ki, “Bu dəhliz Azərbaycana Azərbaycan-Naxçıvan-Türkiyə marşrutu ilə sərfəli yük daşımalarını həyata keçirməyə, İrandan Ermənistan ərazisindən keçən yüklərə nəzarət etməyə, həmçinin dəhlizdən lazım gələrsə, Ermənistanda daxili siyasi vəziyyəti və ictimai əhval-ruhiyyəni gərginləşdirmək üçün istifadə etməyə imkan verəcək”.

Qəzet iddia edir ki, “Syunikə iddialarını gizlətməyən” Azərbaycan üçün dəhlizin yaradılması azərbaycanlıların bu bölgəyə qayıtmasını qanuniləşdirmək üçün ilk addım olacaq.

“Azərbaycan İran ərazisindən də avtomobil və dəmir yolu ala bilər, lakin İran Ermənistan kimi “heç vaxt Azərbaycana dəhliz verməyəcək” və Azərbaycan bu məsələni güc yolu ilə həll etməyə çalışacaq ki, bu da İranda demək olar ki, mümkün deyil”, – deyə qəzet qeyd edir.

Qəzetdə vurğulanır ki, “Türkiyə üçün dəhliz türk dünyası ilə maneəsiz əlaqəni təmin edəcək və İrandan Avropaya Ermənistan üzərindən mümkün qaz kəmərinin qarşısını almağa imkan verəcək.

Ermənistanın bu yol üzərində suverenliyini qoruyub saxlaması və Azərbaycan və Türkiyə yük daşımalarına nəzarət edəcəyi təqdirdə Azərbaycan və Türkiyə tranzit üçün pul ödəməyə məcbur olacaq ki, bu da Ermənistan iqtisadiyyatını və onun regiondakı rolunu gücləndirəcək”. Qəzet yazır ki, bu, təbii ki, nə Bakının, nə də Ankaranın maraqlarına cavab vermir.

Nəşrin yazdığına görə, Rusiyanın ən mühüm Şərq-Qərb kəsişməsinə, Azərbaycanın Naxçıvana və Türkiyəyə yük daşımalarına, İrandan Ermənistana yük daşımalarına nəzarət etmək, Türkiyə ilə quru əlaqə yaratmaq üçün ekstraterritorial dəhliz lazımdır.

“Qərb Rusiyaya qarşı sərt sanksiyalar tətbiq etdikdən sonra o, həm ixrac, həm də idxal bazarları tapmağa çalışır. Belə olan halda həm kollektiv Qərblə, həm də Moskva ilə flört edən Ankara üçün bu, ideal variantdır və Rusiyaya ancaq Türkiyə ilə quru əlaqə yaratmaq lazımdır. Türkiyə və Azərbaycanın regionda rolu artıb və bu gün Azərbaycan Rusiyanın Qərbə qaz və neft ixracı üçün platformaya çevrilə bilər”, – qəzet yazır.

“Rusiyanın rəsmi dairələri rəsmi Moskvanın Ermənistan ərazisində dəhliz açılması layihəsində iştirakını nə qədər təkzib etməyə çalışsalar da, faktlar bunun əksini göstərir”, – deyən “Haykakan Jamanak” Rusiya Federasiyasının və KTMT-nin bu cür hadisələrin fonunda hərəkətsizliyini əsas gətirir.

İndi Artıq bütün Ermənistan Azərbaycan Silahlı Qüvvələrinin aktivliyini, Rusiyanın Ermənistana silah tədarükü ilə bağlı üzərinə götürdüyü öhdəlikləri yerinə yetirməməsini, Ermənistanda yerləşən Rusiya hərbi bazasının ətalətini çox yaxşı anlayır.

“Yeri gəlmişkən, həm Azərbaycan, həm də Türkiyə Rusiyanın Ermənistan ərazisindəki dəhlizə nəzarət etməsi ilə razılaşır”, – qəzet yazır.

Nəşrin yazdığına görə, Rusiyanın Ermənistan ərazisindən “dəhliz əldə etmək” üçün bir neçə variantı var. Nəşrin fikrincə, bu, Azərbaycanın hərbi təcavüzü nəticəsində baş verə bilər. Belə olan halda Ermənistan o qədər zəifləyir ki, İttifaq dövlətinə və ya Rusiyaya qoşulmaq məcburiyyətində qalır və ya Azərbaycan eskalasiya nəticəsində Ermənistan ərazisindən Naxçıvana dəhliz açmağa nail olsa və dəhlizə nəzarət sonradan Rusiyaya keçəcək./Konkret.az

Tacxeber.az