“Ermənistan hökuməti ilin sonuna qədər Azərbaycanla sülh sazişinin imzalanması üçün bütün səylərini göstərəcək”.

Tacxeber.az “Armenpress”ə istinadla xəbər verir ki, bunu Ermənistanın Baş naziri Nikol Paşinyan Ermənistan Milli Məclisində hökumət üzvləri ilə sual-cavab iclasında hakim “Vətəndaş müqaviləsi” partiyasından olan Lusine Badalyanın sualına istinadən deyib.

Badalyan hazırda danışıqların hansı mərhələdə olduğunu, bu ilin sonuna qədər sülh sazişinin imzalanmasının mümkün olub-olmaması ilə maraqlanıb. Deputat jurnalistlərin mütəmadi olaraq verdiyi sualı da misal çəkib: “Həqiqətən sülh müqaviləsi mümkündürmü, bu müqavilə nə dərəcədə düşmənlərlə dostluq deməkdir?”

“Düzünü deməliyəm ki, sazişin bu ilin sonuna qədər imzalanmasını istəyirəm və istəyəcəyəm də. “Nə dərəcədə realdır” sualına gəldikdə” isə mən bu suala belə cavab verəcəyəm: mən və hökumət bunun reallaşması üçün hər cür səy göstərəcəyik və əlimizdən gələni edəcəyik. Ümid edirik ki, bu mühüm detaldır ki, delimitasiya işləri sülh müqaviləsi imzalanana qədər tamamlanacaq.

Nəzərə alsaq ki, Praqada bunun 1991-ci ilin sərhədləri əsasında baş verəcəyi ilə bağlı razılıq əldə etmişik, bu, real ola bilər, çünki o sərhədlər mahiyyətcə məlumdur”, – Paşinyan bildirib.

Baş nazir Qarabağ separatçıları və Azərbaycan arasında beynəlxalq səviyyədə görünən dialoqun başlanmasının vacibliyini vurğulayıb:

“Bu, çox mühüm haldır və Qarabağ ermənilərinin hüquqlarının və müdafiəsinin müəyyən görünən mexanizmləri olmalıdır.

Ədavət və bütövlükdə vəziyyət idarə olunmalıdır, çünki idarə olunmayanda o, ancaq zərər verə bilər. Qalan daha yüksək ifadələri deyə bilmirəm. Amma düşmənçilik də daxil olmaqla, hər şeyin idarə olunması lazımdır ki, bu, mənim üçün bir faktdır”, – deyə Baş nazir bildirib.

Tacxeber.az