• 03 Mart 2024 18:53

Parlamentə qayıdan erməni deputat: “Vətəni xilas etmək vaxtıdır”

Parlamentə qayıdan erməni deputat: “Vətəni xilas etmək vaxtıdır”

Parlamentə qayıdan erməni deputat: “Vətəni xilas etmək vaxtıdır”


Uzun fasilədən sonra parlament müxalifəti dünən Milli Məclisin iclas zalına qayıtdı. Milli Məclisin tənzimləmə qanunu hər çərşənbə axşamı elanlar üçün vaxt müəyyən edir, deputatlar isə parlamentin tribunasından üç dəqiqəlik elanlar verirlər.

Tacxeber.az xəbər verir ki, bu barədə “Hraparak” qəzeti məlumat verib.

Erməni nəşri mövzunu belə davam etdirib:

““Hayastan” fraksiyasının deputatları öz stollarına qoyduqları “Artsax”ın kiçik bayraqları ilə zala qayıtdılar. Ötən gün 10 nəfərə yaxın müxalifətçi deputat çıxış edib. Çıxışın əvvəlində Qeqam Manukyan bildirib ki, “anın ciddiliyi onu parlamentin tribunasından açıqlama verməyə məcbur edib”. Daha sonra o, iki həftə əvvəl mətbuatda yaydığı “məxfilikdən çıxarılan” sənəddən danışıb və qeyd edib ki, vətəni xilas etmək vaxtıdır.

Qeyd edək ki, müxalifətin parlamentə qayıtması faktı MM spikerinin simasında ört-basdır edilməyən sevinc hissi yaratmışdır. Çünki iqtidar cəbhəsində müxalifətsiz özünü təsdiq etmənin mənasını itirildiyi açıq-aşkar görünürdü. Maraqlıdır ki, bir neçə hökumət deputatı elan üçün qeydiyyatdan keçsə də, yəqin ki, yuxarıdan zəng gələndən sonra onlar elanlarından imtina ediblər.

Xatırladaq ki, müxalifət aylar əvvəl Milli Məclisin iclaslarını boykot edəcəyini bəyan edərək, parlamentə yalnız öz gündəmləri ilə qayıdacaqlarını vurğulamışdı”.

Tacxeber.az

Oxşar xəbərlər