İnsanları qorxuya salan kobra təəccübləndirdi: Yuvasından qaçandan sonra… – FOTOLAR

İsveçin paytaxtı Stokholmdakı zooparkdan qaçan kral kobrası geri qayıdıb.

Tacxeber.com metbuat.az-a istinadən  xəbər verir ki, bu barədə zoopark nümayəndələri açıqlama verib. Bildirilib ki, 2,2 metr uzunluğundakı ilan 1 həftə sonra özü yuvasına qayıdıb. İlanın özünün sərbəst şəkildə yuvasına qayıtması zoopark işçilərini də heyrətə gətirib.
Qeyd edək ki, kral kobrası 1 həftə əvvəl saxlanıldığı yuvasının tavanındakı boşluqdan istifadə edərək qaçmışdı. Məlumata görə, müvafiq qurumlar onun izini tapmağa müvəffəq olsalar da, ilan yenidən yoxa çıxmışdı. Kral kobrasını yoxa çıxması paytaxtda böyük həyəcan yaratmış, sakinlərə xəbərdarlıq edilmişdi.