• 03 Mart 2024 19:26

Dünyanın ən sürətli köpəkbalığı yaxtada balıqçıların yanına tullandı – VİDEO

Böyük mako köpəkbalığı Yeni Zelandiyanın Uityanqa şəhəri yaxınlığında beş balıqçı olan çarter yaxtaya tullanıb.

Tacxeber.com bildirir ki, hadisənin videosunu “Daily Mail” paylaşıb.

Rayan Çerçes, “Churchys Charter NZ” yaxtasında kral skumbriyasını tutmaq üçün yığışan beş balıqçı ilə olub. Qrup üzvlərindən biri sudan ov çıxararkən məlum olub ki, dünyanın ən sürətli köpəkbalığı hesab edilən mako köpəkbalığı yemə düşüb.

Yaxtanın sahibi balıqçılara xəbərdarlıq edib ki, köpəkbalığı sudan tullanırsa, geri çəkilmək lazımdır. 30 saniyədən sonra köpəkbalığı, həqiqətən də yaxtanın burnuna tullanıb.

Köpəkbalığının uzunluğu təxminən iki metr yarım, çəkisi isə 150 kiloqram olub. Yırtıcı balıq qayığın burnunda qıvrılaraq yenidən suya girmək istəyərkən videosu çəkilib. Onu, sərnişinlərdən və kapitandan yalnız quyruğu ilə döydüyü nazik ön şüşə ayırıb.

Hadisə videoya çəkilib. Kadrlarda səslər eşidilib, bundan sonra kamera köpək balığının qayığın qabağında qıvrıldığını göstərmək üçün sürüşüb. Mako iki dəqiqəyə yaxın yaxtanın burnunda qıvrılıb və sərnişinlər bu tamaşanı heyranlıqla izləyiblər.

20 illik təcrübəyə malik balıqçı Çerçes ilk dəfə qayığa köpək balığının tullandığını gördüyünü söyləyib. O, iti dişlərindən qorxmadan yırtıcı balığa kömək etmək üçün müdaxilə etməyə çalışıb. Sonda köpək balığı suya tullana bilib.

Tacxeber.com

Oxşar xəbərlər