“Ağıllı, zəruri və zamanlama baxımından doğru gediş. Həm İzrail, həm Fələstinlə ən üst səviyyədə diplomatik münasibətlərin inkişafı və tarazlığın qorunması”.
Bunu millət vəkili Fazil Mustafa Azərbaycanın İsraildə səfirlik, Fələstində Təmsilik Ofisi açması qərarına münasibət bildirirərkən deyib.
“İllərdir çox güzəştli yanaşırdıq ki, qonşunun bir şeylər xətrinə dəyməsin. Qanmadınız. Gedib Qafanda oturdunuz ki, bəs sizə buradan yol verməyəcəyik, bəs din qardaşınız olan ermənilər namusunuzdur, bayrağınızın yaşıl xəttidir. Siz gedib məsciddə donuz saxlayanlarla donuz ətinin kababını çəkəndə bilməliydiniz ki, bizim də donuz əti yeməyənlərlə süfrəmizi bölüşməyimizə qatlanacaqsınız. Millətimizin ən böyük düşməni ermənidən də çox iransifətlərdir. Həm o tayda, həm də bu taydakı iransifətlər!”, – deyə deputat qeyd edib.
