Siqaret qaçaqmalçılığında xüsusi üsul- FOTOLAR
Siqaret qutuları portağal meyvəsinin təsviri olan 3D formatlı kağıza bükülü vəziyyətdə portağal məhsulunun içərisində gizlədilib.
Dövlət Gömrük Komitəsinin Əməliyyat-İstintaq Baş İdarəsi tərəfindən həyata keçirilmiş tədbirlər nəticəsində hüquqi şəxs “Suma-94” MMC-nin İran İslam Respublikasından idxal etdiyi portağal yükünü daşıyan 99 DE 312 / 99 ZB 124 dövlət nömrə nişanlı yük avtomobilinə Xocasən gömrük postunda baxış keçirilib.
Marja.az Komitəyə istinadən xəbər verir ki, baxış zamanı portağal məhsulunun içərisindəki 198 ədəd plastik yeşiklərdə, məhsuldan fərqlənməməsi üçün portağal meyvəsinin təsviri olan 3D formatlı kağıza bükülü vəziyyətdə gömrük nəzarətindən gizlədilmiş, Azərbaycan Respublikasına məxsus aksiz markası ilə markalanmamış 23846 qutu “Kent”, 7980 qutu “Marlboro”, 500 qutu “Parliament”, 15000 qutu “Milano” və 90 qutu “Senator” markalı olmaqla, ümumilikdə 948320 ədəd siqaret aşkar edilərək götürülüb.
İllik 13.99%-dən 40 000 AZN-dək zaminsiz komissiyasız kredit!
Bu qanunsuz əməllərin törədilməsində iştirakı olan şəxslərin dairəsinin müəyyənləşdirilməsi üzrə tədbirlər davam etdirilir.
