İndoneziyanın Qərbi Yava əyalətində baş verən 5,6 bal gücündə zəlzələ nəticəsində həyatını itirənlərin sayı 310-a yüksəlib.

İndoneziya Milli Fəlakət İdarəetmə Agentliyindən verilən açıqlamada Ciranjang şəhərinin 18 kilometr cənub-qərbində baş verən zəlzələ nəticəsində 24 nəfərin itkin düşdüyü də vurğulanıb.

Səlahiyyətlilər zəlzələ nəticəsində həyatını itirənlərin sayının 310-a yüksəldiyini açıqlayıb.

Eyni zamanda, onlarla zərərçəkənin vəziyyətinin ağır olduğu dilə gətirilib.

Zəlzələnin ocağının 10 kilometr dərinlikdə qeydə alındığı bildirilib.

Paytaxt Cakartada bir neçə saniyəlik sarsıntıya səbəb olan zəlzələdən sonra sunami təhlükəsi ilə bağlı xəbərdarlıq edilməyib.

Tacxeber.com