Mövsümün ən zəruri aksessuar trendi bəlli oldu – FOTO
Papaq şübhəsiz ki, hər kəsin qarderobunda olan bir baş geyimidir. Lakin rahatlıq və isti saxlamaq kimi mühüm bir funksiya hər papaqda tapılmayan xüsusiyyətlərdir. Odur ki, bu il dizaynerlər həm boyunu, həm də qulaqları örtən maraqlı bir baş geyimini – balaklavanı dəbə gətiriblər.
Tacxeber.com xəbər verir ki, trikotaj və yun başlıqlar bütün başı sıx örtüdüyü üçün donmağa imkan vermir. Eyni zamanda istər kurtka, istərsə də paltolarla eyni dərəcədə effektli görünə bilir.
Gön-dəri kurtkalar
Məsələn, gön-dəri kurtkalarla belə baş geyimlərinin birləşməsi çox qəşəngdir, həm də şərfdən imtina etməyə məcbur edəcək qədər isti saxlayacaq. Klassik qəhvəyi qoyun dərisi üçün bej tonlarında bir başlıq seçin, fotodakı kombindən ilham almağa dəyər.
Sırıqlı kurtkalar
Bu birləşməni bəsit bir nümənə adlandırmaq olar. Buna baxmayaraq, ikisi birlikdə çox ahəngdar görünür. Daha ciddi təsir əldə etmək üçün başlığı gödəkçənin rənginə uyğunlaşdırın. Daha çox rəng əlavə etmək istəyirsinizsə, rəngli baş geyiminə üstünlük verə bilərsiniz. Yeri gəlmişkən, rəngli balaklava yalnız şıq dəst yaratmaq üçün deyil, həm də özünüzü sevindirmək üçün əla bir yoldur.
Palto
Balaklavan uzun paltolarla da gözəl görünəcək. Bu klassik yun, dəbdəbəli bir palto ola bilər. Paltonu eynitonlu balakvan ilə uyğunlaşdırsanız, əmin olun ki, bu qış sizi heç bir şaxta qorxutmayacaq.
Trikotaj başlıqlar
Boyundan bağlanan trikotaj papaqlar da mövsüm trendləri arasında gəlir. Bunun üçün onu dəbə gətirən “Miu Miu” brendinə təşəkkür etmək lazımdır. Model uşaq papaqlarını xatırlatsa da, yeni dizayn və materialı fərqlənməyi sevən modapərəstlərin ürəyindən xəbər verir. Bu papaqlar tez-tez balaklava ilə qarışdırılır. Onlar həqiqətən çox oxşardırlar, lakin vacib bir nüans var: trikotaj papaqlar boyunu örtmür. Bu aksessuarın bağları çənədə bağlanır, papaq adi papaq kimi geyinilir, sonra düymə ilə bərkidilir və ya bağlanır. Balaklava moda aləminə xizək idman növündən gəldiyi üçün bir qədər idman aksessuarı kimi görünür. Aşağıdakı geyimləri isə qadınsayağı bir təsiri yaradır. Onu istənilən üst geyimlə geyinə bilərsiniz.
Ümumiyyətlə, qış üçün qapaq seçərkən, ilk növbədə materialına diqqət edin. Anqora, merinos yunundan və ya kaşmirdən hazırlananlar daha yaxşıdır. Bu təbii materiallar həm isti saxlayır, həm də yumşaqlığı sayəsində saçlara zərər vermir və baş dərisinin qıcıqlanmasına səbəb olmur. Bir sözlə, qarderobunuzda hələ papaq yoxdursa, indi onu əldə etməyin vaxtıdır.
