İranda sünni din xadimi Əbdülvahid Riqi qaçırılaraq öldürülüb.

Tacxeber.com xəbər verir ki, din xadiminin Sistan-Bəlucistan əyalətində naməlum şəxslər tərəfindən qaçırılaraq qətlə yetirildiyi bildirilib.

Sistan-Bəlucistan Dövlət Təhlükəsizlik Şurası xəbəri təsdiqləyib.

Məlumata görə, hadisə dünən günorta saatlarında baş verib. Qətlə yetirilən şəxs Haş şəhərindəki İmam Hüseyn məscidinin sünni din xadimidir.

Hadisənin detalları açıqlanmayıb.