Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavin Konstantin Zatulin Laçın yolunda baş verən son hadisələrlə əlaqədar Azərbaycanı ittiham edib.

Tacxeber.com xəbər verir ki, Konstantin Zatulin ənənəsinə sadiq qalaraq, Ermənistanın mövqeyindən çıxış edib.

Azərbaycanlı ekofəallar və QHT nümayəndələrinin Laçın yolundakı etiraz aksiyasını pisləyən Zatulin “ümid edirəm ki, Rusiya sülhməramlıları vəziyyəti düzəldəcək, Laçın yolunu açacaqlar” deyib.

“Təbii ki, Rusiya sülhməramlıları məsələni atışmalara və silahlı münaqişəyə qədər genişləndirmək istəmirlər, bu, arzuolunan deyil, çünki bunun böyük mənfi nəticələri olacaq, lakin eyni zamanda, onlar öz prinsipial mövqelərini hansısa formada dəyişmirlər. Bildiyimə görə, sülhməramlıların qarşısında Dağlıq Qarabağı Ermənistanla birləşdirən avtomobil yolunun fəaliyyətini təmin etmək vəzifəsi var. Onlar buna nail olacaqlar və mən onlara uğurlar arzulayıram və mən Dövlət Dumasının deputatı kimi onlara bu işdə bacardığım qədər dəstək verməyə hazıram”, – Zatulin əlavə edib.

Tacxeber.com