Ukraynanın Azərbaycandakı səfiri Vladislav Kanevskiy həbsdə olan azərbaycanlı Misir Qasımlı ilə bağlı faktları açıqlayıb.

Tacxeber.com-ın səfirin mövqeyini təqdim edir:

09 iyun 2021-ci ildə Misir və Sübhan Kiyev vilayətində yerləşən “Cast Kafe”də dincələrkən İspaniya vətəndaşı (həmçinin Böyük Britaniya) Məhəmməd Əli Yusif Aça adlı Afrika doğumlu xarici vətəndaşla kontak yaradaraq söhbətləşir. Ukraynalı dostları kafeni tərk edir. Məhəmməd Əli Yusif Aça  Misir və Sübhanla bir stola əyləşir və onların hesablarını da ödəyir.

Məhəmməd Əli Yusif  məskunlaşdığı otelə getmək istəyəndə Misir Məhəmmədə birgə getməyi təklif edir (kafedəki videokameralardakı videogörüntülər də məhkəməyə sübut kimi təqdim edilib)

03:20 dəqiqədə “Cast Kafe”dən çixaraq Misirin icarəyə götürdüyü boz rəngli “Hunday Sonata” markalı dövlət qeydiyyat nömrəsi  KA 9658 BK olan avtomobillə əyləşirlər. Avtomobiln qabaq sərnişin oturacağında Misir əyləşir, arxada da Məhəmməd Əli Yusuf Aça, arxada sağ tərəfdə isə Sübhan. Zərərçəkmiş İspan vətəndaşı Məhəmməd Əli Yusif Aça avtomobilin deyilən istiqamətdə hərəkət etmədiyini anladıqda etiraz edir, bu zaman Misir tapança çıxararaq onu sakit qalmağa, Sübhan isə bıçağı onun boğazına söykəyərək sakit durmağı tələb edir. Avtomobili durdurub Sübhan da zərərçəkmişin sol tərəfinə keçərək onun avtomobildən çıxışını bloklayırlar. Məhəmməd Əli Yusif Açanın üstündə olan 5 min ABŞ dolları, Ukrayna qrivnası, qolbaq və 8264 ABŞ dolları dəyərində “Roleks” markalı saat, plastik kartlar və telefon götürülür. Telefona giriş əldə edən Misir telefonda kriptovalyuta hesabını və plastik bank kartlarına icazə proqramını görür. Misir və Sübhan bıçaqla zərərçəkmişin sol ayağına xəsarət yetirərək istədikləri bütün məlumatları verməyi tələb edir, başına paket keçirərək ona işgəncə veriblər. Misir zərərçəkmişdən götürdüyü telefona “Face İD” proqramı ilə (sifət tanıma) giriş əldə edir, kartlarla girişi yoxlayır, Məhəmməd Əli Yusifi avtomobildən düşürərək meşəyə aparır. İngilscə bilən taksi sürücüsü isə Məhəmmədə Misirin istədiyi məlumatları verəcəyi təqdirdə onu sağ buraxacaqlarını söyləyir. Nəhayət İspan əsilli ərəb, Məhəmməd Əli Yusif Açanı müxtəlif bədən xəsarətləri ilə meşədə ataraq yola düşürlər. Məhəmməd Əli Yusif Açanın meşədə saxlanılması 2 saata yaxın davam edib. Məhəmməd yola çıxır və yaxındakı yanacaq doldurma məntəqəsinə çataraq taksi çağıraraq qaldığı otelə yetişir və dərhal polisə şikayət edir. Polis dərhal isti izlərlə kafedən video kameralardan görüntülərdən və mobil telefon operatorlarından aldıqları məlumata əsasən Misirin yerləşdiyi əraziyə gəlirlər. Araşdırma zamanı məlum olur ki, Misir və Sübhan 09 iyun 2021-ci ildə 09:35-də Məhəmməd Əli Yusifə Açaya məxsus A5402055966230010 nömrəli plastik bank kartından Kiyev vilayəti Sobornaya 124 ünvanında yerləşən bankomatdan 413 avro çıxarıb. 09:45 də elə həmin küçədə  Sobornaya 44 A ünvanında yerləşən “Oşadnıy” banka məxsus ATM-dən vəsait götürmək istəyəndə artıq kartın sahibi tərəfindən bloklandığının şahidi olub. Həmçinin onlar  3-cü adamın köməkliyi ilə 09.06.2021-ci il tarixdə saat 07:07 dəqiqədə Məhəmməd Əli  Yusif Açaya məxsus kriptovalyuta hesabından 12 000 ABŞ doları məbləğndə vəsaiti özlərinə məxsus karta köçürüblər. İndi isə istintaq tərəfindən toplanmış Misir və Sübhanın cinayəti törətməsini sübut edən bəzi dəlilləri nəzərinizə çatdırıram.

Misir tərəfindən müqavilə əsasında icarəyə götrülmüş boz rəngli Hynday sonata markalı, dövlət qeydiyyat nişanı KA 9685 BK olan avtomobilin hərəkət zamanı küçə nəzarət kameraları və avtomobildə icarəyə verən şirkət tərəfindən quraşdırılmış GPS izləmə avadanlığının hərəkət trayektoriyasıni göstərən video-material.

09.06.2021-ci il tarixdə Kiyev vilayəti Nevesnoy Sotni 26/17 -də nəzarət  kameraları tərəfindən fiksasiya olunmuş görüntülər.

Meşədə hadisə yerində olan izlər.

02.08.2021-ci ildə Misirə məxsus İphone X354873090 156524 imei koda malik telefonun qalareyasında olan skrin şəkillər və axtarış tarixçəsində (cinayətin törədilməsi tarixi və saatına uyğun) linklər.

Telefonun yaddaşında tapılan skrin şəkillərdə birja kursları, elektron valyutalar, Məhəmmədin bank kartı hesabından Misirin öz kartlaına etdiyi köçürmənin təsdiqi və 04.05.2021-ci il tarixdə çəkilmiş cinayət zamanı onlarda olan tapançaya oxşar şəkil aşkar edilib. Telefonun internet  axtarış tarixçəsində isə məhz cinayət törədilən saat 03: 50-dən – 05:19-a qədər rus-ingilis dili tərcümə proqramından istifadə edilib.. Zərərçəkmişə məxsus “Roleks” markalı saatın qiymətini də telefonun axtarş tarixçəsində var.

Misirə məxsus +380 66 879 63 XX , +380 66 851 39 XX

Sübhana məxsus +380 66 879 63 XX , zərəçəkmiş şəxs- Məhəmməd Əli Yusif Açaya məxsus +4794466 37 XX (telefon nömrələrinin son iki rəqəmini bağlı saxlayıram) nömrəli sim kartların istintaq tərəfindən telefon operatorlarından alınmış hərəkət trayektoriyasının eyni məkana ( Kiyev vilayəti Obuxov rayonu Taçenki kəndi) və zamana uyğunluğu

Misirin kirayələdiyi evdən götrülən Türkiyə istehsalı “Ekol” markalı ” Major” molelli EM2-19050851 N -li kustar usulla işlənərək yivsiz 9 mm kalibrə işləmiş tapançanın kriminal ekspertiza zamanı tapança üzərindəki əl izləri. Ümumiyyətlə sübutlara aid videolar 4 ədəd DVD R diskdən 41 ədəd fotoşəkildən ibarətdir… Bu cinayət işi ilə, sənədlərlə, Misir tərəfdən məhkəmədə iştirak edən şəxslərlə, Azərbaycan diasporası və digər tanınmış azərbaycanlılardan aldığım məlumatlara əsaslanaraq deyə bilərəm ki, bu işdə heç bir erməni izi yoxdur. Yayılmış şayiələrin əksinə olaraq, zərərçəkmiş Məhəmməd Əli Yusif Açanın ermənilərlə nə qohumluq, dostluq, nə də  işguzar əlaqəsi var. Mərkəzi Afrikada doğulmuş dini İslam olan bir ərəbin erməni kimi qələmə verilməsi Misirin uydurmasıdır. Bu iddianın, yəni işdə erməni izinin olmasının nədənsə hadisədən bir il sonra 2022-ci ilin yayında ortaya atılması da bu iddianın əsassız olmasına sübutdur. Hakim haqqında onu deyə bilərəm, o, cəbhədə könüllü döyüşür, həmçinin tanınmış azərbaycanlılardan biri ilə yaxşı münasibəti olan insandır. O ki, qaldı bu məhkəmə işi ilə Azərbaycan hökuməti, Azərbaycanın Ukraynadakı səfirliyi, Azərbaycanın Ukraynadakı diasporu sıx maraqlanıb, Azərbaycan XİN tərəfindən səfirliyə tapşırılıb, səfirlik öz növbəsində Ukrayna tərəfinə məktub ünvanlayıb. Azərbaycan yüksək dairələri Ukrayna Prezident aparatının rəhbərinə zəng edib. O, Baş Prokurora işin obyektiv aparılması, Azərbaycan ictimaiyyətinin və dövlətinin narahatlığnı çatdırıb. Nəzərinizə çatdırmaq istəyirəm ki, məhz Misir və Sübhana törətdikləri cinayətə görə Ukrayna cinayət məcəlləsində göstərilən cəza 8 ildən 16 ilə qədər azadlıqdan məhrum etmə idi. Hakim məhz Misirin  Qarabağ müharibəsinin iştirakçısı olduğu üçün Azərbaycan ictimayətində yaranmış narahatlığa görə cəzanın minimum həddini təyin edib. Ukraynada Misirin işi ilə yaxından maraqlanan 10 nəfərə yaxın tanınmış azərbaycanlılarla əlaqə saxladım , hamısı birmənalı olaraq Misir və Sübhanı müqəssir hesab edirlər. Misir və Sübhanı tanıyan azərbaycanlılarla telefon əlaqəsi zamanı bu iki şəxsin digər cinayətlərinin də olmasını təsdiq etdilər. Sübhanın Ukraynadakı Vladimirovski bazarından azərbaycanlılardan haqq tələb etməsini deyən, adını açıqlanmasını istəməyən azərbaycanlılar var. Misirin törətdiyi son cinayətdən əvvəl adının açıqlanmasını istəməyən azərbaycanlı iş adamına pul tələbi və hücumu ilə bağlı faktlar var. Xırda biznes və ticarətlə məşğul olan azərbaycanlılar bu barədə təhlükəsizlikləri üçün adlarının gizli saxlanılmasını xahiş etdilər”.