Oruc tutarkən immunitet sistemini qorumaq istəyənlərin ən çox bilmək  istədiyi şey isə Ramazanda tox tutan  qidalarla bağlıdır.  Uzun müddət ac qaldığımız üçün nə yeyib-içdiyimizə ciddi fikir vermək lazımdır. 

Tacxeber.com qidalanma üzrə mütəxəssislərin verdiyi siyahıya əsasən gün boyu tox tutan, heç acdırmayan 10 qidanın adını açıqlayır.

1-Lor pendiri 

Lor pendir həm zülal anbarıdır,  həm də  duzsuzdur. Duzsuz pendir insanı tox tutar,  duzlu pendir isə susadar. Sahurda naharda lor pendiri yeyə, ya da salatlarınızda istifadə  edə bilərsiniz. Lor  pendir istehlak edə bilmirsinizsə, süfrələrinizdə az yağlı, az duzlu pendirlərə mütləq yer verin.

2-Yulaf əzməsi  – herkules

Yulaf əzməsinin lif dəyəri  çox yüksəkdir və orqanizmin həzm etməsi üçün çox vaxt lazımdır. Yulaf əzməsi möcüzəvi  beta qlükan qaynağıdır. Beta Qlukan qan şəkərini nizamlayır və  immunitet sistemini də gücləndirir.
Yorğunluq, stress, mövsüm dəyişiklikəri, soyuqdəymə, qrip, üst tənəffüs yolları infeksiyaları və bəzi allergiyalarda beta qlükandan  dəstəkləyici kimi istifadə edilir.

3-Yumurta 

Tox tutan qidaların adı çəkiləndə yumurta ilk ağla gələndir. Yumurta  ən keyfiyyətli zülal qaynağıdır. Sahur üçün qaynadılmış,  ya da qlazok  yumurta uyğun seçim ola bilər.

4-Protein, zülal  ehtiva edən qidalar 

Qırmızı ət, ağ ət, süd, qatıq, yumurta, pendir yüksək zülal  tərkibi ilə uzun müddət tox qalmağı təmin edər. Sahurda süfrələrinizdə mütləq bu qidalara yer verin.

5-Paxlalılar

Quru paxla, noxud, mərcimək kimi paxlalılar yüksək miqdarda lif qaynağıdır, həm də bitki mənşəli zülalla zəngin olduğu üçün insanı  gec acdırır.

6-Göyərti  və tərəvəzlər

Yaşıl tərəvəzlər və göyərtinin tərkibində  bol miqdarda su var. Məhz buna görə çox kalori almadan asanca doydurur,  həm də liflə zəngin olduğu üçün uzun müddətdə həzm edilir və  tox tutur.
Sahur süfrənizdə cəfəri, nanə, reyhan, kahı əlavə edilmiş salatlar, buxarda bişmiş brokoli, sobada Brüksel kələmi kimi tərəvəzlər olsun.

7-Çərəzlər və meyvə quruları

Badam, qoz kimi çərəzlər sağlam yağ və lif anbarıdır. Ara paylarda və sahurda az miqdarda duzsuz badam, fındıq, qoz yemək  uzun müddət tox qalmağa  kömək edir.
Çox  miqdarda yemək isə insanı kökəldir və qaraciyər yağlanmasına səbəb olur.

8-Avakado 

Avokado güclü  doymamış yağ və kalium anbarıdır. Avokadonu həm tək  yeyə, həm  yumurta ilə  bir araya gətirə,  həm də salatlarınıza doğraya bilərsiniz.

9-Qlisemik indeksi aşağı olan qidalar 

Bir qidanın qlisemik indeksinin aşağı olması  həzm müddətinin uzun olduğuna işarədir. Sürətli həzm edilən qidalara görə qan şəkəri bir anda yüksəlib sonra da sürətli aşağı enə bilir.

Qan şəkərinin sürətli düşməsi qısa müddətdə acmaq mənasını verir. İşlənmiş taxılların; ağ undan hazırlanmış  çörək, şəkərli və şəkər ehtiva edən edən yemək və içkilərin qlisemik indeksi yüksəkdir.

Bunların əvəzinə tam buğda çörəyi, tam taxıllı çörəklər istehlak edilməlidir. Kartof, düyü, yaşıl noxud, kök, xəmir məmulatları qlisemik indeksi yüksək olan digər qidalardır. Xüsusilə sahurda qlisemik indeksi yüksək qidaların istehlakı gün boyu sıx aclıq, halsızlıq hissi yaşamağınıza  səbəb olar.

10-Süd-qatıq-kefir 
Zülal qaynağı olmaqla yanaşı çox yaxşı kalsium və D vitaminianbarı  olan süd, qatıq və kefir uzun müddət tox tuan qidaların önündə gəlir.

Sahurda 1 stəkan süd, ya da kefir içməyi,  ya da 1 kasa qatıq yeməyi unutmayın.

Tacxeber.com