Bu sözləri Pravda.az-a müsahibəsində tanınmış aktrisa, Əməkdar artist Kubra Əliyeva həmkarı Siyavuş Aslanın oğlu Çingiz Aslanın dünyasını dəyişməsi barədə danışarkən deyib.

“Vallah, o, şəxsiyyət kimi bir şəxsiyyət deyil. Çingiz böyük şəxsiyyətimizin adını batıran bir övlad oldu. Bütün bunlara baxmayaraq, layiqincə dəfn olunur. Teatra yeni təyin olunmuş direktor əvəzi İlhama minnətdaram. Şəxsən özü ilə danışmışam. Gecə saat 3-ə qədər ATV-nin rejissoru Əli Novruzəliyevlə danışmışam. Deyib ki, Kubra xanım, nə edək? Amma səhər məlumat istəyirdim ki, yardım edək, yığışaq. Heç kimə ehtiyac olmadı. Teatrın direktoru İlham və qrup müdiri Elnur məni sevindirdilər. Dedilər ki, narahat olmayın, artıq cənazə yuyulub, kəfənlənib. Elə bilirdim, kimsəsizlər qəbiristanlığında basdıracaqlar, amma Çingiz anasının yanında dəfn olunacaq. O, Ofeliyanın sevdiyi övladı idi. Bu gün Ofeliya öz balasını qucağına alacaq…”, – deyən Kubra Əliyeva göz yaşlarını saxlaya bilməyib.

Tacxeber.com