Bəhram Bağırzadə mövzusu bitmir: “Polis işarə elədi, getmədi” – VİDEO
![](https://olke.az/file/articles/2023/06/21/1687356650_1675602992_1674577067_1670486358_952221-441472661-1684669063.jpg)
Bir neçə gün əvvəl toy məclisində fit çalması ilə müzakirələrə səbəb olan Əməkdar artist Bəhram Bağırzadə növbəti dəfə gündəmə gəlib.
Tacxeber.com xəbər verir ki, aktyor şəhərin mərkəzi hissəsində 20 dəqiqə avtomobilini saxlayaraq başqa insanlarla söhbətləşib.
Əynindəki geyimlərindən videonun bir müddət əvvələ aid olduğu güman edilir. Videonu çəkən şəxs onun “urbanizasiya” çıxışını xatırladaraq qayda pozmasına irad tutub.
“Urbanizasiyanı keçə bilməyib. 20 dəqiqədir orada söhbət edir. Maşını yolda saxlayıb, polis də işarə elədi, getmir. Urbanizasiyanı keçmək yalnız o halda sərf edir ki, restoranda sakitlik olsun, bunun dediyi olsun. Kəmərini də bağlamır. Elə bil, belə də olmalıdır. Özün nəyisə edə bilmirsənsə, camaatı da qınama. Bu nə “palasa”dır sən orada maşın saxlayıb söhbət edirsən? Bu da sizin Bəhram”, – deyə videonu çəkən şəxs söyləyib.
Qeyd edək ki, B.Bağırzadə daha əvvəl regioanlardan Bakıya gələnləri şəhər həyatına uyğunlaşa bilməməkdə ittiham etmişdi.
Onun “Bakıya gələn insanlar urbanizasiya prosesini keçə bilmirlər. Görürsüz, onlar hətta restoranda çox ucadan danışırlar” sözləri müzakirələrə səbəb olmuşdu.