Eyni zamanda, sülhməramlıların müşayiəti ilə təcili yardım maşınları bu kəndlərə gedə biləcək və zərurət olduqda xəstələr Xankəndindəki müalicə müəssisələrinə aparılacaq.

Xankəndi və Şuşanın 4 erməni kəndi arasında nəqliyyat əlaqəsi keçən ilin qışından – Laçın-Xankəndi yolunda, Şuşa şəhəri yaxınlığında azərbaycanlı ekoloqların etiraz aksiyası başladığı zaman məhdudlaşdırılmışdı.

Aprelin sonlarında Ermənistanla sərhəddə Azərbaycanın “Laçın” sərhəd-buraxılış məntəqəsi təsis edildikdən sonra ekoloqların etiraz aksiyası dayandırılıb. Lakin güc qurumlarının əməkdaşları yolun bu hissəsini nəzarətləri altına götürüblər.

Aydındır ki, erməni kəndlərindən Xankəndinə avtobus marşrutunun açılması son vaxtlar ABŞ, Aİ və digər beynəlxalq qurumların nümayəndələrinin Azərbaycan hakimiyyəti ilə Qarabağın erməni sakinlərinin vəziyyətinin yaxşılaşdırılması haqqında apardıqları müzakirələrin nəticəsi olub.

Tacxeber.com