“Ərdoğan qədər təcrübəli siyasətçi dünyada çox az qalıb, hamını suya susuz aparıb, susuz da gətirir, hamıdan Türkiyə və öz xeyrinə istifadə edir – bu nadir bacarıqdır”.

Tacxeber.com Pravda.az-a istinadən xəbər verir ki, bunu ekspert Natiq Cəfərli deyib.

N.Cəfərli bildirib ki, seçkilərdən həmən sonra ölkə əhalisinin yarısının ona qarşı olduğunu gördü, mesajı aldı, siyasətində dəyişiklik etməyə başladı: “Son həftələr Qərblə isinişən münasibətləri, Türkiyənin yenidən AB üzvlüyü məsələsinin aktuallaşması, NATO-da ən böyük söz sahibi olan 3-4 ölkədən biri, NATO-nun 2-ci ən güclü ordusuna sahib olması qardaş ölkənin uğurudur, amma həm də bizə – Azərbaycana müsbət təsirləri olacaq. Türkiyənin Qəbrlə yaxınlaşması rəsmi Bakının siyasətinə də təsir edəcək, hətta 5-6 ildən sonra Bakının ÜTT ilə yenidən danışıqlara başlaması bunun ilkin işarəsidir”.

“Qardaş Türkiyənin siyasi xətti, xarici siyasət prioritetləri Azərbaycan üçün də yol-iz açır. Rəsmi Bakı bu il AB ilə strateji sazişi də imzalaya bilər, bu isə ölkəmizə, əsas da vətəndaş cəmiyyətinə müsbət təsir göstərəcək…” – ekspert əlavə edib.

Tacxeber.com