Yay fəslinin başlaması ilə ölkə əhalisi çimərliklərə üz tutub.

Tacxeber.com xəbər verir ki, dənizə gedənlər həm də günəşlənərək, D vitamini qəbul etməyə çalışır. Təbii ki, bu da yay fəslində D vitaminin qəbulu ilə bağlı bir sıra suallar yaradır.

Pediatr Aytən İsmayılzadə D vitamini ilə bağlı bütün suallara cavab verib.

1. Yay fəslində 2 yaşına kimi uşaqlarda D vitamininin qəbulunu kəsməyin.

2. Həftədə 3 dəfə normal günəşlənmə yetərlidir.

3. Vitamin D-ni ən yaxşı edən onun düzgün dozalanmasıdır.

4. Günün ortasında açıq başla günəş altında qalmamaq daha uyğundur. Günəş kremi sadəcə dərini qoruyacaq.

5. Uşağa hər hansı kimyəvi qatqılı kremlər məsləhət görülmür. SPF maddəsi də kimyəvidir. Bu maddə D vitaminin yaranmasının qarşısını alacaq.

6. Uşaqda vitiliqo varsa və ya albinosdursa, o zaman dərinin günəş şüası ilə təmasından ciddi şəkildə qaçınmalısınız.

7. Ümumiyyətlə vitamin və vitaminəbənzər maddələrin günün əvvəli qəbul edilməsi doğrudur.

8. Vitamin D – ni suya ya yeməyə qatmaqdansa birbaşa ağıza damızdırmaq daha yaxşıdır.

9. D vitamin dozası uşağın ayına, çəkisinə görə deyil, raxit xəstəliyinin profilaktika və ya müalicəsinə görə ayarlanır.

10. D vitamini normal verildiyi halda raxit xəstəliyi olmasın deyə kalsium qəbulu və soyulması da normal olmalıdır.

11. D vitamini kimi yağlı məhlulları sərin yerdə saxlamaq məsləhətdir. Spirtli məhlulları isə ağzını yaxşı bağlayaraq saxlamaq.

12. Sual: Ana özü D vitamini qəbul edərsə süd əmən uşaqda artıqlıq olmaz ki?

13. D vitamini ana südü ilə az miqdarda keçdiyindən süd əmən uşağa da D vitaminin verilməsində problem yoxdur.

14. D vitamini günəş olan hər saatda yaranır. Sadəcə əlavə pis təsir olmasın deyə səhər və axşam saatlarında günəşlənmək məsləhətlidir.

15. Qışda insan bədənindəki D vitamini azdırsa,  yayda yaxşı günəşlənmək lazımdır.

16. Ağ dəridə 10-15 dəqiqə, tünd dəridə 20-25 dəqiqə günəşlənmək bəs edər.

17. Ən tez D vitamini yaranması üçün dəri kremsiz olmalı, əllərin içi və ayaqların altı günəşə açıq və uzanmış vəziyyətdə olmalıdır.

Tacxeber.com