Qaraciyərin yağlanması son zamanlar gəncləşən və yayılan xəstəliklərdən biridir.

“Medicina” xəbər verir ki, hər 4 nəfərdən biri alkoqolsuz yağlı qaraciyər xəstəliyindən əziyyət çəkir. İnsanların çoxu bundan xəbərsizdir.

Alkoqolsuz yağlı qaraciyər xəstəliyi, alkoqoldan sui-istifadə etməyən insanlarda hüceyrələrdə yağ yığılması (steatoz), onlarda iltihabın inkişafı (steatohepatit), həmçinin sirroz və qaraciyər xərçənginə keçid ilə bədəndəki bütün xarakterik dəyişiklikləri birləşdirən bir xəstəlikdir.

Həkimlər bu xəstəliyi “görünməz” adlandırır, insanlar uzun müddət heç bir şeydən narahat olmaya bilər.
Ancaq yenə də ağız boşluğunda qaraciyərdən xəbər verən əlamətlər var.

Mütəxəssislərin sözlərinə görə, yağlı qaraciyər xəstəliyi ağızda simptomlara – diş ətlərinin şişməsinə və qanamasına səbəb olur.

Bununla belə, diş ətlərinin qanaxması narahatedici ola biləcək yeganə ağız əlaməti deyil.

Qaraciyərin zədələnməsini göstərən əlamətlər bunlardır:

• Rəngsiz və ya solğun dodaqlar və diş ətləri. Qaraciyərin zədələnməsi anemiyaya səbəb ola bilər;

• Qızarmış dil. Qaraciyərin emal edə bilmədiyi toksinlər qan dövranına daxil olur və dilin görünüşünü dəyişə bilər;

• Pis qoxulu nəfəs. Bunun səbəbi qaraciyərin bədəndəki kimyəvi maddələri lazımi şəkildə zərərsizləşdirə bilməməsidir;

• Quru ağız. Qaraciyər xəstəliyi həzmi pozduqda, tüpürcək istehsalının azalması baş verə bilər.

Qaraciyər xəstəliyini müəyyən etmək və erkən mərhələdə müalicəyə başlamaq son dərəcə vacibdir. Buna görə də, ağız boşluğunda əlamətlərin yoxlanılması və dərhal həkimə müraciət edilməsi müalicənin nəticələrini yaxşılaşdıra bilər.

Tacxeber.com