Sosial şəbəkələrdə “Nikosayağı” adı ilə tanınan bloqer Nicat Şakirlinin son durumu ilə bağlı atası məlumat verib.

Bloqerin atası, tanınmış nevropatoloq Nafiz Mütəllimov Oxu.Az-a açıqlamasında oğlunun hazırda ağrılar içərisində olduğunu bildirib:

“Oğlum ötən gün xəstəxanadan evə buraxılıb. Vəziyyəti yavaş-yavaş düzəlir. Lakin ağrıları var. Psixoloji cəhətdən də vəziyyəti yaxşı deyil. Qolunun əməliyyatını heç düşünməmişik. Yavaş-yavaş sağalacaq”.

N.Mütəllimov oğlunun mediaya açıqlama verməsinin lazım olmadığını qeyd edib:

“Mediaya açıqlama, düşünürəm ki, lazım deyil. Bu, Nicatın işini daha da çətinləşdirir”.

Xatırladaq ki, sosial şəbəkələrdə “Nikosayağı” adı ilə tanınan bloqer Nicat Şakirli avqustun 15-də qəzaya düşüb. Hadisə Heydər Əliyev prospektində qeydə alınıb. N.Şakirli idarə etdiyi “Porsche” markalı avtomobili ilə TIR-a çırpılıb. Qəza nəticəsində bir nəfər ölüb, ağır bədən xəsarətləri alan bloqer isə xəstəxanaya aparılıb.

Tacxeber.com