Artıq işğal olunmuş Krımda Ukraynaya məxsus daşınmaz əmlakının satışı üzrə hərrac proseduru keçirilib. 

Tacxeber.com xəbər verir ki, ilhaq edilmiş Krımın  işğalçı hakimiyyəti Ukraynanın 100-ə yaxın daşınmaz əmlakını satmaq niyyətində olduqlarını açıqlayıb.

Krım Dövlət Şurasının qondarma spikeri Vladimir Konstantinovun Telegram kanalında verdiyi məlumata görə, artıq Krımda Ukrayna daşınmaz əmlakının satışı üzrə səkkiz auksion proseduru keçirilib və 815 milyon rubldan çox dəyərində alqı-satqı müqavilələri bağlanıb.

“Yaxın vaxtlarda 100-ə yaxın milliləşdirilmiş əmlak obyektinin satışı planlaşdırılır. Bunlar yaşayış yerləri, o cümlədən Zelenski ər-arvadının villasını, sanatoriya-kurort obyektləri, ticarət və ticarət obyektləridir. Onların satışından 800 milyon rubldan çox gəlir əldə edilib və bu gəlir  Krımın büdcəsinə daxil edilməsi planlaşdırılır”, – Konstantinov qeyd edib.

Dörd yaşayış obyekti açıq hərraclarda satışa çıxarılıb. Onların həyata keçirilməsindən Krım büdcəsinə təxminən 27 milyon rubl gəlir daxil olması nəzərdə tutulur.

RİA-Novosti isə bildirir ki, Zelenskinin villasının satışından əldə edilən pullar Ukraynada həyata keçirilən hərbi əməliyyatlara yönəldiləcək.

Bundan əvvəl Krım parlamenti Kiyev hökumətinə bağlı olan və Rusiyaya qarşı qeyri-dost hərəkətlər edən ukraynalı oliqarxların əmlakının milliləşdirilməsi barədə qərar qəbul edib. Onların arasında Rinat Axmetov, İqor Kolomoyski, Arseni Yatsenyuk, Nestor Şufriç, Sergey Taruta və Vladimir Zelenski var.

Krımın rəhbəri Sergey Aksyonov bəyan edib ki, Ukraynanın keçmiş prezidenti Pyotr Poroşenkonun əmlakları hərraca çıxarılacaq.

Tacxeber.com