Bu dərmanın 60 illik tarixi var. Rəsmi tibbin, müasir həkimlərin qəbul etmədiyi, heç bir müalicə protokoluna daxil etmədiyi, amma hazırda da istehsal olunan ASD adlı preparatın çox qalmaqallı taleyi var.

Çox ucuz olan bu maye formalı preparatın sağaltmadığı xəstəlik yoxdur.

Yaxın keçmişdə NKVD arxivlərində Beriyanın Stalinə yazdığı bir məruzə tapılıb.

Orda bunlar yazılmışdı: 

” Professor Doroqov A.B-nin icad etdiyi preparatın rəsmi tibbdə tətbiqindən sonra bir çox xəstəliklərin müalicə müddəti qısalmış, nəticədə xəstəxanalarda tibbi personalın sayının azaldılmasına zərurət yaranmışdır. Eləcə də bir çox dərmanların istehsalında azalma müşahidə olunmuşdur ki, bu da dərman sənayesinə zərbədir.  SSRİ vətəndaşlarının orta ömrünü 20 il uzatmaq və sağlam qocalmaq hökumətin Təqaüd və Mənzil fonduna ağır zərbədir. Biz bunun qarşısında dayana bilmərik. Təklif edirəm ki, ASD F1, ASD F2 və F3 preparatlarını veterarinar müalicə, baytarlığa nəql edək. Rəsmi tibbdə istifadəsini dayandıraq”.

Kağızın sonunda isə Stalinin ” Təqdiq edirəm” sözü çap olunub.

Tacxeber.com Medicina.az-a istinadən belə ciddi-cəhdlə ləğv olunan, aradan qaldırılan ASD nə olduğunu araşdırıb.

Bu preparatı icad edən başıbəlalı professor Doroqov Aleksey orta əsr əlkimyaçılarının ölümsüzlük eliksiri hazırlamaq üçün qurbağa toxumalarından istifadə etdiyi barədə məlumatları çoxdandır araşdırırdı. Daha sonra onun əlinnə elə bir yazılı mənbə keçdi ki, orda XIII əsr Qədim Rusiyasında ultra bahalı dərman resepti verilmişdi. Bu dərmanı da qurbağa dərisi və toxumalarından alırdılar. Doroqov şəxsən bu resept üzərində işləyərək yeni bir dərman hazırlamaq üçün SSRİ-nin farmaseptik aləminə yol tapır, laboratoriyaya icazə alır. O dövrdə onun təklifini cəfəngiyyat hesab edirdilər.

Nəhayət ki, bioloji bomba kimi təsirli ASD F-1 hazır olur. Onu gizli şəkildə hazırlayırdılar, Stalin və Beriyadan, bir də professorun özündən başqa heç kim bu işdən xəbərdar deyildi. Professor qurbağa toxumalarının termiki işlənməsi ilə maye kondensasiya əldə edir. Bu məhlul eyni zamanda həm antiseptik, həm sağaldıcı, həm bərpaedici, həm stimuləedici effektə malik idi.

Preparatın eksperimentləri inanılmaz nəticələr verdi. Xəstələr göz önündə sağalırdı. Amma hələ də Doroqova icadını rəsmən elan etməyə və digər həkimlərin istifadə etməsinə icazə verilmirdi.

Doroqov bundan çox narahat idi. Ona görə o özü o vaxtkı Səhiyyə rəhbəri Andrey Tretyakova dərmanın xəstəxana və həkimlərə təqdim olunması və həkimləri xüsusi klinikada bu metodla mülaicəyə hazırlamağı təklif edir. Lakin ona imtina olunur.

1 ay sonra professora qarşı prokurorluq iş açır, guya o, qeyri-qanuni olaraq laboratoriyada qanunsuz tibbi fəaliyyətlə məşğul olubmuş.

Ona tibbi araşdırma qadağan olunur, 3 il sonra isə o, evində dəm qazından boğularaq müəmmalı şəkildə ölmüş tapılır.

1959-cu ildə isə ASD F-1 preparatı barədə bütün informasiya gizli şifrələnir və dərman veterinar sahəyə adi olunur.

Amma SSRİ-dövründə onun istehsalı dayandırılmadı.  Həm o illərdə, həm də indi Rusiya farmakoloji sənayesi tərəfindən istehsalı davam edən ASD həm var, həm də yoxdur. Preparat heyvanlar üçün buraxılır, amma insanlar da onu alıb tətbiq etməkdən çəkinmir.

ASD F-1 Doroqovun icad etidiyi ilkin kəşf demək olar ki, tibb universitetlərində tədris olunmur, F2, F3 isə yalnız veterinar həkimlərə məlumdur. Heç bir həkim bu dərmanı xəstəsinə yaza bilməz.