Bu barədə CNN mənbələrə istinadən məlumat yayıb.
Mənbələr bildiriblər ki, tunellərdəki telefon xətləri əməliyyatçılara İsrail kəşfiyyat rəsmiləri tərəfindən izlənmədən gizli şəkildə bir-biri ilə əlaqə saxlamağa imkan verib.
Onların sözlərinə görə, iki illik planlaşdırma zamanı tunellərdə fəaliyyət göstərən kiçik bir qrup rabitə və əməliyyatı planlaşdırmaq üçün naqilli telefon xətlərindən istifadə edib, lakin oktyabrın 7-də hücuma başlamaq üçün HƏMAS-ın yüzlərlə döyüşçüsünü çağırmaq vaxtı çatana qədər aşkar edilməyiblər. Mənbələr bildiriblər ki, yaraqlılar İsrail və ya ABŞ kəşfiyyatı tərəfindən aşkarlanmamaq üçün iki il ərzində kompüter və ya mobil telefonlardan istifadə etməyiblər.
“Yaxın ərazidən kənarda çox müzakirə, görüş və ya koordinasiya olmayıb”, – mənbələrdən biri deyib.
İDF HƏMAS-ın son on beş ildə tikdiyi tunelləri “Qəzza metrosu” adlandırır. Tunellər raket və sursat anbarlarını saxlamaq və yaraqlılara, aşkar edilmədən hərəkət etmək üçün istifadə edilən geniş labirintdir. (Publika)
