ABŞ-ın Men ştatının Lyuiston şəhərində baş verən atışmada 22 nəfər ölüb.

“Yeni Sabah” xəbər verir ki, kimliyi məlum olmayan şəxsin avtomatdan açdığı atəş nəticəsində 62 nəfər yaralanıb. Atışma restoran, mağaza və əyləncə mərkəzində baş verib.

Yaxınlıqda olan polis əməkdaşları atəş səslərini eşidib hadisə yerinə gəliblər.

Milli.Az CNN-ə istinadən bildirir ki, 40 yaşlı Robert Kard şəhərin üç yerində – restoranda, “Walmart” marketində və “Sparetime bowling” əyləncə mərkəzində qarşısına çıxan hər kəsə AR-15 avtomatından atəş açıb.

ABŞ-ın Men ştatında baş verən atışma bütün cari il ərzində ölkədə baş vermiş silahlı zorakılıq hadisələri arasında qurbanların sayına görə ən böyüyüdür. Bu cür məlumatlar odlu silahların iştirak etdiyi bütün hadisələr haqqında məlumat toplayan bir təşkilat olan Silah Zorakılığı Arxivi (GVA) tərəfindən verilir.

Nəşr edilən materialda Lyuiston şəhərində baş verən atışmanın 16 nəfərin həyatına son qoyduğu göstərilir. Qeyd olunur ki, bu il üçün ən yüksək göstəricidir. İkinci yerdə Kaliforniyanın Monterey Parkında baş verən atışmadır, qurbanlarının sayı 11 nəfərdir.

Robert Kard saxlanılıb. Hadisə ilə bağlı ölkə prezidenti Co Baydenə də məlumat verilib.

Tacxeber.com