“Qadınlar qışda kapron kalqotqa geyinməkdən çəkinməlidirlər, çünki sintetik materiallar soyuqdan qorumur və onların yaratdığı sıxılma effekti sistit yarada bilər, hətta sonsuzluğa səbəb ola bilər”.

Tacxeber.com xəbər verir ki, bunu mama-ginekoloq, tibb elmləri doktoru Anna Marçenko LIFE.ru-ya müsahibəsində bildirib. Onun sözlərinə görə, qışda yun və ya pambıq məhsullara üstünlük vermək daha yaxşıdır.

“Neylon taytlar sintetikdir, bu, nəinki soyuqdan qorumur, həm də sıxılma effekti yaradır. Qanın mikrosirkulyasiyası pisləşir və bədənin istiliyini saxlamaq daha da çətinləşir”, – həkim izah edib.

Mütəxəssis əlavə edib ki, soyuqdəymə sistitə, ya da sidik kisəsinin iltihabına səbəb ola bilər. Onun əsas simptomları sidik ifrazı zamanı ağrı, tualetə tez-tez getmək və temperaturun yüksəlməsidir. Müalicə olunmayan sistit xroniki olur və digər orqanlara yayıla bilər.

Bundan əlavə, soyuq havada nazik taytlar bel, çanaq orqanları və ayaqlarda soyuqlama yumurtalıqlarda və fallopiya borularında iltihablı prosesə səbəb ola bilər ki, bu da öz növbəsində sonsuzluq da daxil olmaqla digər ginekoloji problemlərə səbəb olur. Buna görə də həkim şalvarın altından da isti tayt geyinməyi tövsiyə edir. Bu isə parçalar arasında istilik saxlayan hava təbəqəsi yaradacaq.

Tacxeber.com