• 19 İyun 2024 08:11

ABŞ və Rusiyanın Türkiyə planı: “Tərəfini seç” təzyiqi başlayır?

Beynəlxalq müdafiə nəşri olan “Defense One”da dərc olunan xəbərdə maraqlı iddia yer alıb. Pentaqon və ABŞ Dövlət Departamenti mənbələrinin bildirdiyinə görə, Vaşinqton və Moskva Rusiya-Ukrayna müharibəsində bitərəfliyini qoruyan Türkiyəyə təzyiq göstərməyə hazırlaşır.

ABŞ Dövlət və Müdafiə nazirliklərindəki mənbələrə əsaslanan xəbərdə həm Vaşinqtonun, həm də Moskvanın Rusiya-Ukrayna müharibəsində öz tərəfini göstərmək üçün Türkiyəyə tezliklə təzyiq göstərəcəyi iddia edilib.

Təhlil məqaləsində Rəcəb Tayyib Ərdoğanın ritorikası və siyasətinin əvvəlki dövrlərlə müqayisədə açıq şəkildə qərbyönümlü olduğunun müşahidə edildiyi yer alıb. Məqalədə Türkiyənin Rusiya-Ukrayna müharibəsi ilə Qara dəniz taxıl dəhlizinin yaradılmasına təşəbbüs göstərdiyi və bununla da dünya üçün kritik əhəmiyyət kəsb etdiyi və ölkənin bu vasitəçilikdən iqtisadi və siyasi fayda əldə etdiyi qeyd edilib.

ABŞ Dövlət Departamentinin rəsmiləri də müharibə zamanı Qərbin Ukraynaya verdiyi siyasi dəstəyin arxasında duran və Rusiya ilə münasibətlərini qoruyan Türkiyənin bu addımlarla strateji gücünü artırdığına inanır. Xarici İşlər Nazirliyi və ABŞ Müdafiə Nazirliyinin (Pentaqon) ekspertlərinin fikrincə, Türkiyənin tezliklə bu siyasətində problemlə üzləşməli olacağı təxmin edilir. Müvafiq olaraq, Türkiyənin Rusiya-Ukrayna müharibəsində neytrallığı həm Moskvanın, həm də Vaşinqtonun “əsəbləri ilə oynayır”. Proqnozlar ondan ibarətdir ki, yaxın gələcəkdə Türkiyədən dəqiq bir xarici siyasət təyin etməsi istəniləcək.

Mənbələrdən əldə edilən məlumata görə, Türkiyədən yaxın vaxtlarda Rusiya-Ukrayna müharibəsində ətraf regionda müharibə olmayan azsaylı ölkələrdən biri kimi öz tərəfini elan etməsi istəniləcək. ABŞ rəsmiləri Taxıl Dəhlizi nümunəsi ilə Türkiyəni bu məsələdə razı salmağı planlaşdırır.

ABŞ mənbələrindən əldə edilən məlumata görə, Vaşinqtonun belə bir addım atmasının digər səbəbi son zamanlar Moskvanın onu neytral xarici siyasətindən uzaqlaşdırmaq üçün Türkiyəyə təzyiq etmək yollarını axtarmasıdır. ABŞ rəsmiləri İsveçin NATO-ya üzvlük protokolunun Türkiyə tərəfindən imzalanaraq Türkiyə Böyük Millət Məclisinə göndərilməsini “bu imza Türkiyənin balanslaşdırma siyasətinin sərhədlərinə əsaslanır və Ankara nəhayət, Qərb paktında qalmaqda qərarlıdır” kimi şərh edirlər.

ABŞ-dakı xarici siyasət ekspertləri Türkiyənin Yaxın Şərqdəki iki ən böyük ticari rəqibi olan Birləşmiş Ərəb Əmirlikləri və Səudiyyə Ərəbistanı ilə son zamanlar yaxınlaşmasını bu çərçivə ilə əlaqələndirirlər. Ekspertlərin fikrincə, Türkiyənin iki körfəz ölkəsi ilə yaxınlıq qurmasının digər səbəbi hər iki ölkənin qərbyönlü olmasıdır. (Publika)

Tacxeber.com

Oxşar xəbərlər