Məhəmməd Kekalov da saxlanıldı: nə baş verir?
“Abzas Media” qrupunun rəhbəri Ülvi Həsənli və baş redaktor Sevinc Vaqifqızının saxlanılmasından sonra ictimai fəal olduğu iddia edilən Məhəmməd Kekalovun da saxlanıldığı bildirilir.
Onun kompüteri də daxil olmaqla, bəzi şəxsi əşyaları, o cümlədən telefonu müsadirə edilib.
Qeyd edək ki, Ülvi Həsənlinin Heydər Əliyev Beynəlxalq Hava Limanına gedərkən saxlanıldığı bildirilmişdi. Onun ofisində axtarış zamanı 40 min avro aşkarlandığı haqda məlumat yayılıb. Ü.Həsənliyə qarşı qaçaqmalçılıq ittihamı irəli sürülüb. Həbs edildikdən sonra onun bildirdiyinə görə polis əməkdaşları ona zor tətbiq ediblər.
Bundan başqa ötən gecə “Abzas Medianın” baş redaktoru S.Vaqifqızı xaricdən qayıdarkən hava limanında saxlanılıb, daha sonra evində axtarış aparılıb.
