Ruslar içkini tərgidir? – Arağın istehsalı azalıb

Yanvar-noyabr aylarında Rusiya Federasiyasında araq istehsalının ümumi həcmi ötən ilin müvafiq dövrü ilə müqayisədə 4,7 faiz azalaraq 71,9 milyon dekalitrə düşüb.

Tacxeber.com xəbər verir ki, bunu “Rosalkogoltabakkontrol” (Alkoqol və Tütün Bazarlarına Nəzarət Federal Xidməti) mütəxəssislərinin statistik məlumatları sübut edir.

Bu aylarda ölkədə konyak istehsalı 3,9 faiz azalaraq 7,8 milyon dekalitrə düşüb. Ümumilikdə, bu ilin 11 ayının yekunlarına əsasən, gücü 9 faizdən yuxarı olan spirtin ümumi istehsalı 3,4 faiz azalaraq 99,98 milyon dekalitr təşkil edib. Şərab istehsalı isə illik ifadədə 8,9 faiz azalaraq 27,5 milyon dekalitrə düşüb.

Analitiklər etil spirti olmayan üzüm tərkibli içkilərin istehsal seqmentində ən böyük azalmanı qeyd ediblər. Bu məhsulun ümumi istehsal həcmi 86,3 faiz azalaraq 532,4 min dekalitrə qədər azalıb.

Tacxeber.com