Bakı həbsxanasında olan qondarma “Dağlıq Qarabağ Respulikası”nın “dövlət naziri” vəzifəsində çalışmış Ruben Vardanyanın Ermənistan və Qarabağ üçün xərclədiyi vəsait açıqlanıb.
Tacxeber.com AzTV-yə istinadən xəbər verir ki, bu barədə “Forbes” jurnalı məlumat yayıb.
Bildirilib ki, Vardanyanın təşəbbüsü ilə 2022-ci ildə Qarabağda yaradılan “Biz və bizim dağlar”, “Ərazi İnkişaf Agentliyi” vasitəsilə Rubenin ailəsinin vəsaiti və donorların ianələri hesabına 187 tondan çox ərzaq alınaraq, Qarabağ sakinlərinə paylanıb.
Nəşr yazır ki, 187 min dollara isə su təchizatı və istilik sistemləri alınıb:
“Kənd sakinləri üçün mobil ilkin tibbi yardım qruplarının yaradılmasına, o cümlədən elektrikli nəqliyyat vasitələrinin alınmasına təxminən 110 min dollar xərclənib. 172 dollar isə 10 yaşından kiçik 12 min uşaq üçün Yeni il hədiyyələrinin alınmasına yönəldilib”.
Məlumata görə, R. Vardanyanın təsis “İdeya” Fondundan bildirilib ki, onun ailəsi və tərəfdaşları 2001-ci ildən 2023-cü ilə qədər Ermənistana və Qarabağa 700 milyon dollardan çox sərmayə qoyublar. Qeyd olunub ki, Vardanyan Qarabağdakı müxtəlif layihələrə 8 milyon dollar sərmayə qoyub. O, Qarabağa köçməzdən xeyli əvvəl yatırım etməyə başlayıb. 2008-ci ildə “Böyük Artsax Toyu” layihəsi həyata keçirilib və eyni vaxtda 700-ə yaxın cütlük evləndirilib.
