Şəkər tozu xeyli ucuzlaşdı – Bu ölkənin sayəsində

Qlobal şəkər qiymətləri son 8 ayın ən aşağı səviyyəsinə düşüb,

Tacxeber.com xəbər verir ki, bu barədə “Nasdaq” məlumat yayıb.

Qeyd edək ki, şəkərin qiyməti bu ilin yazından qalxmağa başlayıb. Noyabrın sonuna qədər qiymət bir ton üçün 550 ilə 600-620 dollar arasında dəyişirdi (ICE Qitələrarası Birjasının kotirovkalarına görə), lakin sonra azalmağa başladı və indi təxminən 440 dollar təşkil edir.

Əsas səbəb Braziliyada (dünyanın ən böyük şəkər istehsal edən ölkəsi) şəkər istehsalının artmasıdır. Respublikanın mərkəzi və cənub rayonlarında biçin mövsümü başlayandan (yəni noyabr ayından) şəkər qamışının həcmi ötən illə müqayisədə 20 faizdən çox artıb.

Bundan əvvəl, avqust ayında Beynəlxalq Şəkər Təşkilatı 2023-24-cü illər mövsümündə şəkər istehsalının qlobal miqyasda 1,2% azalacağını və dünya bazarında şəkər kəsirinin 2,12 milyon ton təşkil edəcəyini proqnozlaşdırmışdı.

Tacxeber.com