Prezident İlham Əliyev “İşsizlikdən sığorta haqqında” Azərbaycan Respublikasının Qanununda dəyişiklik edilməsini təsdiqləyib.

“Yeni Sabah” xəbər verir ki, qanunda aşağıdakı dəyişikliklər edilib:

1. 13-cü maddə üzrə:

1.1. 13.1.3-cü maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 13.1.4 – 13.1.6-cı maddələr əlavə edilsin:

“13.1.4. müəssisənin mülkiyyətçisi dəyişdikdə, Azərbaycan Respublikası Əmək Məcəlləsinin 68-ci maddəsinin 2-ci hissəsinin ç) bəndinə əsasən;

13.1.5. əvvəllər müvafiq işdə (vəzifədə) çalışan işçinin işinə (vəzifəsinə) bərpa edilməsi barədə məhkəmənin qanuni qüvvəyə minmiş qətnaməsi (qərarı) olduqda, Azərbaycan Respublikası Əmək Məcəlləsinin 74-cü maddəsinin 1-ci hissəsinin b) bəndinə əsasən;

13.1.6. əvvəllər həmin müəssisədə çalışan işçi müddətli həqiqi hərbi xidmətdən ehtiyata buraxıldıqdan sonra öz iş yerinə (vəzifəsinə) qayıtmaq hüququndan istifadə etdikdə, Azərbaycan Respublikası Əmək Məcəlləsinin 74-cü maddəsinin 1-ci hissəsinin ə) bəndinə əsasən.”;

1.2. 13.2.1-ci və 13.2.2-ci maddələrdə “və 13.1.2-ci” sözləri “, 13.1.2-ci və 13.1.4 – 13.1.6-cı” sözləri ilə əvəz edilsin;

1.3. 13.2.3-cü və 13.8-ci maddələrdə “30” rəqəmləri “24” rəqəmləri ilə əvəz edilsin;

1.4. 13.4-cü maddədə “13.2.1-ci və 13.2.2-ci” sözləri “13.2.1 – 13.2.3-cü” sözləri ilə əvəz edilsin.

2. 15.1-ci maddədən “, lakin 20 faizdən çox olmamaq şərtilə” sözləri cıxarılsın.

3. 18.0.2-ci və 18.0.4-cü maddələrə “səbəblər” sözündən sonra “(hərbi və ya fövqəladə vəziyyət rejiminin, sosial xarakterli fövqəladə mühit rejiminin, o cümlədən epidemiya əleyhinə rejimin, sanitariya-gigiyena və karantin rejimlərinin tətbiqi, habelə özünün xəstəliyi, yaxın qohumunun (babalar, nənələr, valideynlər, övladlığa götürənlər, doğma və ögey qardaşlar və bacılar, ər-arvad, uşaqlar, övladlığa götürülənlər, nəvələr) xəstəliyi və ya vəfat etməsi və s.)” sözləri əlavə edilsin.

Tacxeber.com