Hakimi döyən klub prezidenti üçün atəşfəşanlıq etdilər – Video
“Ankaragücü”nün azarkeşləri klubun Türkiyə Superliqasının 15-ci turunda “Rizesppor”la oyundan (1:1) sonra hakim Halil Umut Meleri yumruqla vuran sabiq prezidenti Faruk Koca ilə görüşüblər.
Onlar F.Kocanı atəşfəşanlıqla qarşılayıblar.
Qeyd edək ki, daha əvvəl Türkiyə Superliqasında mübarizə aparan “Ankaragücü”nün prezidenti Faruk Koca “Rizespor”a qarşı keçirdikləri matçdakı idarəçilikdən narazı qalaraq final fitindən sonra baş hakim Halil Umut Meleri yumruqla vurub. Daha sonra F.Koca həbs olunmuşdu. Həmçinin o, dekabrın 15-də Türkiyə Futbol Federasiyası tərəfindən futboldan ömürlük uzaqlaşdırılıb. “Ankaragücü” isə 2 milyon türk lirəsi məbləğində cərimələnib. Bundan başqa, komandanın növbəti 5 ev oyunu azarkeşlər və klub rəsmiləri olmadan keçirməsinə qərar verilib.
2 gün əvvəl Növbətçi Ankara Qərb Ağır Cəza Məhkəməsi F.Kocanın məhkəmə nəzarəti altında azadlığa buraxılmasına qərar verib.
