ABŞ Konqresində Ukraynaya yardım üçün maliyyə məsələsi ilə bağlı razılığın olmaması, ABŞ-nin milli təhlükəsizliyini təhdid etməklə yanaşı, NATO və ümumiyyətlə,  bütün dünya üçün ciddi nəticələrə səbəb olacaq təhlükə yaradır.

Tacxeber.com xəbər verir ki, bu barədə Ağ Evin mətbuat xidmətinin ABŞ prezidenti Co Baydenlə Konqres rəhbərliyi arasında görüşdən sonra yaydığı bəyanatda deyilir.

Bayden qanunvericilərlə onların fəaliyyətsizliyinin Ukrayna, ABŞ və dünya üçün strateji nəticələrini müzakirə edib. “O, açıq şəkildə bildirib ki, Konqresin davam edən fəaliyyətsizliyi ABŞ, NATO və dünyanın digər ölkələrinin  milli təhlükəsizliyini təhlükə altına qoyur. Prezident Konqresi Ukraynanı dəstəkləmək üçün tez bir zamanda əlavə maliyyə ayırmağa və bununla da ABŞ-nin qətiyyətli siqnalı verməyə çağırıb”, – deyə bəyanatda bildirilir.

Sənəddə həmçinin qeyd olunur ki, prezident açıq şəkildə bildirdi ki, sərhəd məsələlərinin həlli üçün tədbirlər görülməlidir.

Tacxeber.com