AFFA-da köklü dәyişiklik gözlәnir – ilkin әlamәtlәr
“Xankәndidә “qәlәmi qırılan” tandem” yazısında AFFA-nın son vәziyyәtini sәhih mәlumatlar әsasında tәsvir etmişdik. Dәqiq tәhlil edildiyini prosesin davamı göstәrdi.
AFFA rәhbәrliyinin yanvarın 11-də Gәncәyә sәfәrinin tәxirә salınmasını xatırlayaq. Orada akademiyanın açılışına hәsr olunmuş geniş tәdbir planlaşdırılsa da, anidәn qurumun prezidenti Rövnәq Abdullayevin sәhhәtindәki problemә görә ertәlәndiyi haqda xәbәr çıxdı.
Mәlumatlı mәnbәlәrdәn әldә etdiyimiz bilgiyә görә, hәmin әrәfәdә hәqiqәtәn Abdullayevin sәhhәtindә problem olub, lakin tәdbirdә iştirak edә bilmәyәcәk dәrәcәdә yox.
Әslindә isә bu, Xankәndidәki gedişatın davamı olub. Gәncәdә böyük akademiyanın açılışı Abdullayevli AFFA rәhbәrliyinә rәva görülmәyib. Mәslәhәt belә olub…
“Sәhhәtindәki problemә görә” – ifadәsi isә hәm bu vәziyyәti ictimaiyyәtә tәqdim etmәk üçün uyğundur… Hәm dә, klassik siyasi konyukturada bu cür “problem” son nöqtә sayılır.
Bir sözlә, hazırkı AFFA rәhbәrliyinә Abdullayevin qismindә – “yaxşı yol!” göstәrişi verilib.
Düzdür, Rövnәq Abdullayev-Elşad Nәsirov tandeminin icraedici mexanizmi sayılan eks-baş katib Elxan Mәmmәdov vә onun ölkә futbolundakı dәstәsi hәlә dә müәyyәn hәmlәlәr etmәyә vә son anda vәziyyәti dәyişmәyә çalışır, ancaq bu dәfә AFFA-nın onlardan bütünlüklә tәmizlәnәcәyi daha real görünür.
Nә İşçi Qrupu canfәşanlıqları, nә dә milli komandaya tezbazar әcnәbi baş mәşqçi gәtirmәk planı baş tutan bu klan özünә olan etimad limitini tam bitirib.
Martda AFFA prezidentliyinә seçkilәr keçirilәcәk. Bu prosesә qәdәr bәzi sürpriz addımların da atılacağı gözlәnilir vә böyük ehtimalla, bu dәfә assosiasiya rәhbәrliyində köklü dәyişiklik olacaq, daha çox futbol adamlarından, bu sahәdә uğur qazananlardan ibarәt idarә heyәti formalaşacaq.
Pozitiv mәqamların artdığı bir әrәfədәyik, lakin futbolumuzu xilas etmәyә qadir qüvvәlәr heç dә arxayınlaşmamalıdır. Mәşhur filmdә deyildiyi kimi – “şeytan fәrqindәdir”…
