Musavat.com xəbər verir ki, mineral qan təzyiqini yüksəldən natriumun bədəndən çıxarılmasına kömək etdiyi üçün kaliumla zəngin qida və içkilərdən istifadə etmək tövsiyə olunur. Nə qədər çox kalium istehlak etsəniz, bədən sidiklə daha çox natrium çıxara bilər. Bu, qan damarlarının divarlarını rahatlamağa kömək edir, qan təzyiqini daha da aşağı salır.

Harvard Xalq Sağlamlığı Məktəbi bunu belə izah edir: “Natrium və kalium qan təzyiqinin və sağlam ürəyin tənzimlənməsində mühüm rol oynayan bir-biri ilə əlaqəli iki mineraldır. Az duzlu qidalar və daha çox kaliumla zəngin qidalar yemək ürək-damar xəstəlikləri riskini əhəmiyyətli dərəcədə azalda bilər”.

Kalium bir çox qidada, xüsusilə meyvə, tərəvəz, paxlalılar və az yağlı süd məhsullarında olur.

Medical News Today yazır ki, dörd yüksək minerallı meyvə içkisi var; bunlar marakuyya (passion), nar, portağal və naringidən təzə sıxılıb hazırlanmış şirələrdir. Bu meyvə şirələrindən gündə 1 stəkan içmək iflic riskini kəskin şəkildə azaldır.

Hər bir içkinin standart stəkanında aşağıdakı miqdarlar var:

Marakuyya (passion) şirəsi – 687 mq kalium

Nar şirəsi – 533 mq

Portağal suyu – 496 mq

Naringi suyu – 440 mq.

Müqayisə üçün bildirək ki, böyük bir mineral mənbəyi kimi göstərilən bananlarda təxminən 358 mq mineral var.

Özünüzü tamamilə yaxşı hiss etsəniz belə, qan təzyiqinizi mütəmadi olaraq yoxlamaq vacibdir. Britaniya Ürək Fondu (BHF) yüksək qan təzyiqinin “nadir hallarda nəzərə çarpan simptomlara malik olduğunu” söyləsə də, aşağıdakılar bu probleminin əlaməti ola bilər:

Nəfəs darlığı

Baş ağrıları

Bulanıq görmə

Burun qanaxması

Sinə ağrısı

Başgicəllənmə

Tacxeber.com