Rusiya “Yandex”i tamamilə satın aldı
Rusiyanın texnologiya şirkəti olan “Yandex” milliləşdirilib.
“Bloomberg” xəbər verir ki, “Yandex”in səhmlərinin çox hissəsinə sahib olan Hollandiyanın “Yandex NV” şirkəti Rusiyadakı aktivlərini 475 milyard rubla (təxminən 5,2 milyard dollar) rusiyalı investorlar konsorsiumuna satıb. “Yandex NV”nin verdiyi açıqlamada şirkətin Rusiyadakı aktivlərinin satışı ilə bağlı razılığın əldə edildiyi bildirilib.
Məlumata əsasən, Rusiyanın ən böyük özəl neft şirkəti “Lukoyl” da sözügedən konsorsiuma daxildir və “Yandex NV” müqaviləyə uyğun olaraq 2024-cü ilin iyulun 31-dək “Yandex” brendindən istifadəni dayandıracaq. (Sfera)
