Ukrayna Prezidenti Volodimir Zelenski öz fərmanı ilə Ukrayna Silahlı Qüvvələrinin yeni baş komandanı Aleksandr Sırskini Ali Baş Komandanlıq Qərargahının tərkibinə daxil edib, Valeri Zalujnını isə qərargahın tərkibindən kənarlaşdırıb.
Tacxeber.com xəbər verir ki, bu barədə “RBK-Ukrayna” məlumat yayıb.
Agentliyin məlumatına görə, başqa bir fərmanla Ukrayna lideri Sırskini Ukrayna Milli Təhlükəsizlik və Müdafiə Şurasının (MTMŞ) tərkibinə daxil edib, lakin eyni zamanda Zalujnı və keçmiş veteranlarla iş üzrə nazir Yuliya Laputinanı şuranın tərkibindən kənarlaşdırıb.
Qeyd edək ki, fevralın 8-də Zelenski general-polkovnik Aleksandr Sırskinin ölkənin Silahlı Qüvvələrinin yeni baş komandanı təyin edildiyini açıqlayıb.
