Tacxeber.com xəbər verir ki, onlar oğlunun meyitini Lyudmila Navalnaya təhvil verməyən yerli müstəntiqlərə qarşı cinayət işinin açılmasını tələb ediblər.
Bildirilir ki, faktla bağlı Cinayət Məcəlləsinin 244-cü (“Ölənlərin cəsədlərini və basdırılan yerləri təhqir etmə”) maddəsi ilə işin başlanması təklif edilir. Bəyanatın surətini Korrupsiyaya Qarşı Mübarizə Fondunun direktoru İvan Jdanov dərc edib.
“Pravoslav qanunlarına görə, mərhumun cəsədini üçüncü gün dəfn etmək adətdir. Bu gün Navalnının ölümündən 8 gün keçsə də, cənazə bu günə kimi dəfn edilməyib”, – məlumatda deyilir.
Bəyanatda qeyd olunur ki, müstəntiq Varapaev Lyudmila Navalnayaya ölümün səbəbinin müəyyən edildiyini deyib, lakin “rəsmilər dəfn mərasiminin vidalaşmadan və adət-ənənələrə hörmət edilmədən gizli şəkildə keçirilməsini istəyir”. Vəkillər onu da xatırladırlar ki, fevralın 22-də müstəntiq meyitin “dəfn olunmasının qarşısını almaq üçün onunla qanunsuz hərəkətlər edəcəyi ilə” hədələyib.
“Yuxarıda göstərilən faktları nəzərə alaraq, hesab edirəm ki, Yamal-Nenets Muxtar Dairəsi üzrə İstintaq Komitəsinin İstintaq İdarəsinin əməkdaşlarının hərəkətlərində Rusiya Federasiyası Cinayət Məcəlləsinin 244-cü maddəsi, yəni mərhumun cəsədini təhqir etmək əlamətləri görünür”, – məlumatda deyilir.
