Amerikanın “Intel” və “Microsoft” şirkətləri müasir prosessorların istehsalına dair müqavilə imzalayıblar.

Tacxeber.com xəbər verir ki, bu barədə “Bloomberg” agentliyi məlumat yayıb.

Məlumata görə, yarımkeçirici avadanlıqların istehsalını “Intel Foundry” şirkətinin törəmə şirkəti həyata keçirəcək. Həmçinin, avadanlıqların “Intel 18A” texniki prosesindən istifadə edilməklə istehsal olunacağı bildirilir. Sifarişin ümimilikdə dəyəri isə 15 milyard dollar təşkil edir.

“Biz bütün sənayenin məhsuldarlığını əsaslı şəkildə dəyişdirəcək maraqlı platforma keçidinin ortasındayıq” deyə “Microsoft”un rəhbəri Satya Nadella bildirib. O, bu baxımdan şirkətin onu yeni nəsil prosessorlarla təmin edəcək güclü tərəfdaşa ehtiyac duyduğunu əlavə edib.

Materialın müəllifləri qeyd ediblər ki, İT nəhəngləri xarici amillərdən daha az asılı olmaq üçün öz yarımkeçirici istehsalını təşkil etmək qərarına gəliblər.

Tacxeber.com