Ukrayna Prezidenti Volodimir Zelenski Ukrayna Silahlı Qüvvələrinin keçmiş baş komandanı Valeri Zalujnının Ukraynanın Böyük Britaniyadakı fövqəladə və səlahiyyətli səfiri vəzifəsinə namizədliyinə razılıq verib.

Tacxeber.com xəbər verir ki, bu barədə Ukrayna Xarici İşlər Nazirliyi məlumat yayıb.

Xarici İşlər Nazirliyinin press-relizində deyilir ki, Xarici İşlər Nazirliyi Britaniya tərəfinə ilkin razılıq üçün müvafiq sorğu göndərib.

Xatırladaq ki, Zelenski fevralın 8-də Ukrayna Silahlı Qüvvələrinin rəhbərliyində dəyişiklik etdiyini açıqlayıb. 2021-ci ildən Ukrayna Silahlı Qüvvələrinə komandanlıq edən və sorğulara görə Ukraynanın ən populyar hərbçisi hesab edilən Valeri Zalujnı vəzifəsindən uzaqlaşdırılıb.

Aleksandr Sırski Ukrayna Silahlı Qüvvələrinin yeni baş komandanı olub.

Tacxeber.com