Ötən ay Türkiyədə səfərdə olarkən halı pisləşərək xəstəxanaya yerləşdirilən Cavanşir Quliyevin müalicəsi Bakıda davam edir. 

Bu barədə o, Modern.az-a açıqlamasında bildirib.

74 yaşlı bəstəkar vəziyyətinin yaxşılaşdığını söyləyib:

“İndi Bakıdayam. Şükür Allaha yavaş-yavaş düzəlirəm. Müalicəm davam etdirilir. Bu çətin vaxtda mənə dəstək olanlara minnətdaram. Səhhətimlə maraqlananlar çoxdur.  Dostlar, tanışlar, elə jurnalistlər də zəng edib maraqlanırlar. Yavaş-yaşaş fəaliyyətə başlayacam.  Xəstəlikdən sonra hələki nəsə yoxdur. Ancaq sırasını gözləyən planlarım var, onları davam etdirəcəm. Yaxşılaşdıca, onları  həyata keçirməyə başlayacam”.

Qeyd edək ki, Azərbaycanın Birinci vitse-prezidenti, Heydər Əliyev Fondunun Prezidenti Mehriban Əliyevanın tapşırığı ilə Əməkdar incəsənət xadimi, bəstəkar Cavanşir Quliyevin müalicəsinə Fond tərəfindən dəstək verilib. Bəstəkar fevralın 25-də saat 19:00 radələrində İstanbuldan Bakıya qayıdıb.

Tacxeber.com