Tacxeber.com tarixi qədimlərə söykənən qarışqa yumurtası yağının faydalarından yazacaq.

Qarışqa yumurtası yağının qadınların ortaq problemi olan arzuolunmaz tüklərə qarşı təsirli olduğu deyilir.

Elmi olaraq sübut edilməyib, amma istifadə edənlərin 86 faizi mütəmadi işlətdikdə  lazımsız tüklərin çıxmasına qarşı təsirli olduğunu açıqlayıb.

Qarışqa yumurtası yağından istifadənin tarixi qədimdir. Əsasən İranda qadınlar tüklərə qarşı bu möcüzədən istifadə edirlərmiş.

Qarışa yumurtası yağının istehsal prosesi qaydalara uyğun aparılıbsa, heç bir problem yaranmır.
Tamamilə təbii şərtlər daxilində hazırlanmış qarışqa yumurtası yağının əlavə yan təsirləri də olmur.
Düzgün hazırlanmayanda isə aşağıdakı yan təsirləri olur:

Qaşınma
Yanma hissi
Tüklərin dibində iltihab
Tüklərdə gözlənilənin əksinə çoxalma

Gözlənilən təsiri və faydaları isə bunlardır:

Tüklərdən təmizlənmiş hamar bir bədən
Dəridə tükün köklərini zəiflədər
Dəriyə canlılıq verər
Dəriyə parlaqlıq qatar
Dərini nəmləndirər və qidalandırar
Dərinin tünd görünməsinin qarşısını alar və ağardar

Qarışqa yumurtası yağından  istifadə

Əgər bu üsulu siz də tətbiq etmək istəyirsinizsə, əvvəlcə dərinizi təmizləməlisiz. Yağ vurduğunuz hissə təmiz olmalıdır. Ülgücdən istifadə edərək tükləri təmizləməlisiz.

Ən azı 20 dəqiqə, yarım saat ərzində yağı dərinizə masaj edərək tətbiq edin,  yağ dəriyə tam hopdurulmalıdır. Bu əməliyyat tükləri qırxdığınız gündən etibarən 4 gün tətbiq edilir və yağı sürtdükdən sonra 6 saat sudan uzaq qalmalısınız. Ona görə gecə yatarkən tətbiq etmək daha məntiqlidir.

Əslində çox sadədir:

Tükləri təmizləyin
Masaj edərək yağı sürtün
Yağ sürtməyi 4 gün təkrarlayın

Bundan sonra tüklər çıxanda əməliyyat yenə təkrarlanır. Tüklər azalana və ya yox olana qədər təkrar edirsiz. Bəzilərində nəticə tez, bəzilərində isə 1 il müddətinə özünü göstərir.

Tacxeber.com