Zədəli saçlara, sızanaqlara, quru əllərə son – Avokadonun möcuzələri
Son illər həvəslə istehlak edilən avokadonun dəriyə qulluqda istifadə edildiyini və dəri üçün çox faydalı olduğunu bilirdinizmi?
Tacxeber.com xəbər verir ki, mütəxəssislər avokadonun tərkibindəki sağlam yağlar dərinizi nəmləndirdiyi fikrindədir. Avokadonun tərkibindəki yağlar dərinizdə olan təbii yağlarla uyğun gəlir və buna görə də dərinizi qidalandırır və günün mənfi təsirlərindən qoruyur. Bu təsirləri müşahidə etmək üçün yetişmiş avokadonu əzmək və üzünüzə sürtmək kifayətdir. Təxminən 5-10 dəqiqədən sonra üzünüzü yuyub gözəl, sağlam və parlaq dərinizin ləzzətini ala bilərsiniz.
– Quru və zədələnmiş saçlarınızın xilaskarı olacaq avokado meyvəsi, tərkibindəki minerallar və vitaminlər sayəsində saç köklərini qidalandırır.
– Sızanaq, ekzema, kiçik yanıq və ya kəsilmiş çapıqlar kimi zədələnmiş dərini bərpa edir.
– Avokado qocalma əleyhinə xüsusiyyətlərə malik qidalandırıcıdır və qırışları azaltma xüsusiyyətinə malikdir. Əzilmiş avokadonu üzünüzə maska kimi çəkmək yaşlanma əlamətləri ilə mübarizə aparmağa kömək edir.
– Əlinizdəki ölü dərilərdən xilas olmaq və onları nəmləndirmək üçün avokadoyu əzib, bir az yulaf və şəkərlə qarışdırın. Hazırladığınız qarışımla əllərinizə yumşaq bir şəkildə sürtün və sonra qarışığı əlinizdə təxminən 5 dəqiqə saxlayın. Nəhayət, sabun istifadə etmədən əllərinizi yuyun. Bu qarışıq əllərinizi ölü dəridən təmizləyəcək, əllərinizi nəmləndirib qidalandıracaq, əllərinizi ipək kimi yumşaq edəcək.
Zədəli saçlar üçün maska
Yetişmiş avokadonun içini oyaraq, hamar bir tutarlılığa çatana qədər əzin. 1 çay qaşığı buğda toxumu və jojoba yağı əlavə edib qarışdırın. Qarışığı saçınızın köklərindən uclarına qədər yaxşıca çəkin. 30 dəqiqə saxlayın, sonra yuyun.
Bu maskanı həftədə iki dəfə tətbiq etdiyiniz zaman dəyişikliyi görəcəksiniz.
Sizanaqlar üçün maska
Yarım avokado, yarım limonun suyu və 2 kapsul E vitaminini blenderdə qarışdırın. Qarışığı masaj edərək təmiz dərinizə çəkin. Maska tamamilə quruduqdan sonra ilıq su ilə təmizləyin.
