Tanınmış müsavatçı çağırış etdi: “İsa Qəmbər qayıtsın!”
May ayının əvvəlində Müsavat Partiyasının növbəti qurultayı keçiriləcək. Bununla bağlı Müsavat Məclisi müvafiq qərar qəbul edib.
Tacxeber.com xəbər verir ki, qurultayda partiyanın yeni başqanı seçiləcək.
Yeni başqanın kim olacağı ilə bağlı müxtəlif mülahizələr mövcuddur. Bu sırada adı çəkilən şəxslərdən biri də Müsavat Partiyasının keçmiş başqanı İsa Qəmbərdir. İsa Qəmbərin may ayının əvvəlində keçiriləcək qurultayda yenidən partiya başqanı seçiləcəyi iddia olunur.
Qeyd edək ki, artıq bununla bağlı kampaniyaya start verilib. Müsavat fəalı Dadaş Əhmədli bu barədə özünün sosial şəbəkə hesabında çağırış edib. Əhmədli İsa Qəmbəri birləşdirici şəxs kimi xarakterizə edərək, onun yenidən başqan seçilməsini arzuladığını bildirib. O, müsavatçıları onun səsinə səs verməyə çağırıb.
